Charter Document - 03380061

Universis presentes litteras inspecturis Petrus dei miseratione Herefordensis ecclesie minister humilis salutem in domino Iesu Cristo Noveritis quod presentatis litteris apostolicis ex parte domini Henrici illustris regis Anglie venerabili patri Waltero dei gratia Eboracensi archiepiscopo et nobis in hac forma [] Nos ambo obtemperantes mandato apostolico dominum regem supradictum citandum duximus in hac forma [] Reddite litteras cum appositione sigilli vestri mandato nostro executo Subsequenter vero predictus dominus archiepiscopus collega noster excusavit se super dicto negotio in hac forma [] Procedente quidem tempore predicto collega nostro excusato prelibatam dominam Iohannam quondam filiam [] comitis Pontin nunc illustrem reginam Castelle citari fecimus per religiosum virum I priorem Altecumbe Cisterciensis ordinis in hac forma [] Predictus quidem prior predictam reginam citavit presente fratre Thoma monacho Altecumbe videlicet in hac forma [] Sane nos ad predictam ecclesiam sancti Stephani Senonen in predictis octabis beati Gregorii anno domini MCCLI venerabilem patrem G dei gratia Autissiodorensem episcopum et viros venerabiles Iohannem succentorem et Iohannem canonicum et [] officialem Autisiodorensem nobiscum advocantes ipsis tribus nobis assedentibus processimus in hac forma [] Porro litteras dicti abbatis Altecumbe super licentia data dictis monachis scilicet priori Altecumbe et fratri Thome socio suo de dicendo veritate sub iuramento vidimus et legimus in hac forma [] Ad hoc Magister Iohannes Capelli presentans se pro domino rege Anglie ut procurator procuratorium suum et mandatum sigillatum sigillo predicti domini H illustris regis nobis exhibuit in hac forma [] Subsequenter dictus procurator petitionem suam nobis porrexit et exhibuit quam inspeximus et ipsam sigillo nostro et sigillis assessorum nostrorum fecimus sigillari Nos itaque attendentes contumatiam predicte domine Iohanne nunc regine Castelle et quod dictus magister Iohannes procurator domini regis Anglie iustum exigebat de consilio peritorum nos una cum predictis tribus assessoribus videlicet venerabili patre domino G dei gratia Autisiodorensi episcopo et venerabilibus viris Iohanne succentore et Iohanne canonico et [] officiali Autisiodorensi testes nobis presentatos a dicto procuratore domini regis Anglie recepimus in ecclesia sancti Stephani Senonensis Predicti quidem testes iuraverunt omnes super sancta dei evangelia scilicet dominus Iohannes de Molins miles et alii quorum nomina in attestationibus sigillo nostro et dictorum assessorum sigillatis continentur quod dicent veritatem super negotio memorato et quod sciunt et quod credunt nec prece pretio vel amore dicent nisi quod sciunt et credunt et extimant vehementer Post receptum iuramentum deponunt secreto et sigillatim ut in ipsorum attestationibus sigillo nostro et sigillis assessorum predictorum sigillatis plenarie continetur Prelibatis itaque testibus receptis attestationibus singulorum in scriptis redactis diligenter et eisdem inspectis semel et iterum et postmodum publicatis assignavimus diem mercurii ante Ramos palmarum predicto magistro Iohanni procuratori dicti domini regis Anglie ad diffinitivam sententiam audiendam super negotio memorato quam proferri cum instantia postulabat In cuius rei testimonium tam nos quam predicti assessorum nostri presentibus actis sigilla nostra duximus apponenda Datum Senon in crastino Octabarum beati Gregorii anno domini MCCLI