Charter Document - 03388061

Universis et singulis ad quos presentes littere pervenerint Henrici dei gratia rex Anglie dominus Hybernie Dux Normannie Aquitanie et comes Andegavenie salutem Super matrimonio quod inter nos ex una parte et nobilem mulierem Iohannam reginam Castelle filiam quondam nobilis viri [] comitis de Pontin ex altera contractum fuisse dicitur de facto cum eidem in quarto gradu consanguinitatis attingamus examinatione et pronuntiatione eorundem et omnibus aliis et singulis ad hec vel aliqua premissorum pertinentibus coram domino papa vel aliis quibuscunque iudicibus tractandis denuntiandis vel quocumque modo alio procurandis magistrum Iohannem Capelli latorem presentium procuratorem nostrum constituimus dantes eidem plenarium potestatem exequendi et procurandi predicta et proponendi et faciendi omnia quocunque modo agatur que nos in persona propria si presentes essemus possemus proponere vel facere vel modo aliquo expedire promittentes sub ypotecha bonorum nostrorum quod quicquid per dictum procuratorem in supradictis vel ipsorum vel pertinentiis propositum fuerit sive factum ratum habebimus in perpetuum atque firmum nec contra hec vel aliquod ipsorum per nos vel per alium aliquo tempore veniemus In quorum testimonium sigillum nostrum presentibus litteris duximus apponendum Datum apud Radingues vicesimo die Februarii anno regni nostri tricesimo quarto et incarnationis dominice MCCXLVIIII