Charter Document - 03386061
| Charter Number: | 03386061 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1251 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Venerabili in Christo patri ac domino Petrus dei gratia Herefordensis episcopo iudici a domino papa delegato Iohannes prior Altecumbe Cisterciensis ordinis salutem et ad sanctam Ierusalem pervenire Noveritis quod recepto mandato vestro et litteris vestris per quas dedistis nobis firmiter in mandatis ut citaremus peremtorie auctoritate domini pape et vestra dominam Iohannam nunc illustrem reginam Castelle quondam filiam comitis Pontin ut Senon compareret in ecclesia beati Stephani per se vel per aliquem responsalem sive procuratorem ad octavas beati Gregorii anno domini MCCLI pro negotio ipsius regine et domini regis Anglie super causa matrimonii venerabili patri [] archiepiscopo Eboracensi et vobis a sede apostolica commissa accedentes personaliter cum Thoma confratre nostro monacho ipso presente citavimus peremtorie dictam reginam auctoritate apostolica et vestra ut ad locum et diem supradictos et ad totam causam compareret per se vel per aliquem responsalem Dicta vero regina citatione benigne recepta respondit quod dictus rex erat consanguineus suus in quarto gradu et quod propter dictam causam defendendam nunquam Senon vel alibi mitteret vel veniret nec se intromitteret de dicta causa vel negotio supradicto et quod numquam super hoc a vobis vel aliquo sententiam expectaret In cuius rei testimonium presentibus litteris sigillum nostrum duximus apponendum Actum [] anno domini MCCLI