Charter Document - 03381061
| Charter Number: | 03381061 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1249 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus servus servorum dei venerabilibus fratribus [] archiepiscopo Eboracensi et [] Herefordensi episcopo salutem et apostolicam benedictionem Ex parte carissimi in Cristo filii nostri [] Anglie regis illustris nobis extitit supplicatum ut cum ipse olim iuraverit quod carissimam in Cristo filiam nostram Iohannam reginam Castelle illustrem natam nobilis viri [] comitis Pontin tunc solutam duceret in uxorem per interpositas personas cum ipsa quantum in eo fuit matrimonium duxerit contrahendum ac tandem comperto quod illam quarta consanguinitatis linea contingebat matrimonio huiusmodi minime consumato carissimam in Cristo filiam nostram [] illustrem reginam Anglie natam clare memorie comitis Provincie sibi in facie ecclesie matrimonialiter copularit providere honori suo et filiorum suorum in hac parte ne propter hoc aliqua imponi eis in posterum nota possit paterna sollicitudine curaremus ideoque fraternitati vestre per apostolica scripta mandamus quatinus inquisita super hoc diligentius veritate si vobis constiterit ita esse primum matrimonium et iuramentum quod de contrahendo ipso primo prestiterit non tenere ac valere secundum auctoritate apostolica decernatis contradictores per censuram ecclesiasticam appellatione postposita compescendo quod si non ambo hiis exequendis potueritis interesse alter vestrum ea nichilominus exequatur Datum Lugduni vi kalendas Novembris pontificatus nostri anno septimo