Charter Document - 07210022

Alexander episcopus seruus seruorum Dei dilectis filiis abbati et conuentui monasterij de Abbyrbroyth ordinjs sancti Benedicti sancti Andree dioecesis salutem et apostolicam benedictionem Exigentibus vestre deuotionis meritis votis vestris libenter annuimus et petitiones vestras quantum cum Deo possumus favorabiliter exaudimus Significatis siquidem nobis quod bone memorie Abberdonenses episcopi capituli sui accedente consensu quasdam ecclesias Abberdonensis dioecesis in quibus ius patronatus habetis vobis in usus proprios concesserint et quod super hoc per eosdem episcopos factum fuerat extitit postmodum per sedem apostolicam confirma tum Sed venerabilis frater noster Abberdonensis episcopus successor dictorum episcoporum suggesto felicis recordationis Innocentio Pape predecessori nostro quod nonnulli abbates priores et alii ecclesiarum prelati tam religiosi quam seculares in Abberdonensi civitate ac dioecesi constituti vicariis quarundam ecclesiarum quas in proprios usus tenebant imponentes novas contra Lateranensis statuta consilij pensiones terras alias que possessiones ad vicarias ipsas spectantes vicariis subtrahebant eisdem eas in vsus proprios conuertendo quidam vero prelatorum ipsorum tantum de prouentibus dictarum ecclesiarum quod earum vicarij non poterant de residuo commode sustentari ab eodem predecessore obtinuit litteras continentes [vt super hiis statueret] prout vtilitati ecclesiarum ipsarum secundum Deum expedire videret non obstantibus con cessionibus quibuscunque confirmationibus etiam a sede apostolica impetratis contradictores per censuram ecclesiasticam appellatione postposita compescendo Cumque litterarum ipsarum pretextu niteretur episcopus ordinare fines tenoris earum excedendo quod vos reciperetis annuatim certam de ipsarum ecclesiarum prouentibus portionem et omnes reliqui prouentus ipsarum assignarentur vicariis earundem vos sentientes ecclesias seu monasteria vestra et vos per hujusmodi ordinationem indebite aggrauari per appellationis remedium ipsius predecessoris nostri audientiam prouocastis cui dictus episcopus detulit reuerenter Ac jdem Cancellario Morauiensi eiusque collegis suis dedit litteris in mandatis vt facultatibus ipsarum ecclesiarum diligenter solliciteque pensatis in eiis prout eorum discretio secundum Deum expedire videret certas et determinatas statuerent vicarias et de prouentibus ipsarum ecclesiarum vobis portionem congruam assignantes non permitterent vos postmodum super hiis contra eorum ordinationem ab aliquibus indebite molestari molestatores hujusmodi per censuram ecclesiasticam appellatione postposita compescendo Qui litterarum forma ipsarum seruata certas et determinatas statuerunt de virorum peritorum consilio in predictis vestris ecclesiis vicarias assignata vobis de ipsarum ecclesiarum prouentibus congrua portione prout in litteris dictorum Cancellarij et collegarum inde confectis quarum tenorem de verbo ad verbum presentibus inferi fecimus plenius continetur Nos igitur vestris supplicationibus inclinati quod super hoc a predicto Cancellario et collegis prouide factum est ratum et gratum habentes illud auctoritate apostolica confirmamus et presentis scripti patrocinio communimus Tenor autem litterarum ipsarum talis est [] In cuius rei testimonium presens scriptum sigillorum nostrorum munimine dignum duximus roborare Nulli omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lateranensis v Idus Januarij pontificatus nostri anno tertio