Charter Document - 06191035

Clemens episcopus servus servorum Dei dilectis filiis de Dunfermiline et de Cupro ac de Neubotil Sancti Andree dyoecesis monasteriorum Abbatibus salutem et apostolicam benedictionem Etsi quibuslibet religiosis personis et locis ex injuncte nobis servitutis officio assistere defensionis presidio teneamur illis tum specialius et efficacius adesse nos convenit qui fedi apostolice immediate subjecti non habent preter Romanum pontificem alium defensorem Sane dilectorum filiorum Abbatis et conventus monasterii Cluniacensis ad Romanam ecclesiam nullo medio pertinentis Matisconensis dioecesis nec non abbatum priorum et decanorum monasteriorum prioratuum et decanatum Cluniacensis ordinis et conventuum eorundem conquestione percepimus quod nonnulli archiepiscopi et episcopi abbates priores et alii clerici et ecclesiastice persone tam religiose quam seculares nec non duces comites et barones milites et universitates ac singulares persone civitatum et dioecesum ac partium vicinarum in quibus dictum monasterium et cetera monasteria prioratus decanatus domus et alia loca et membra eidem monasterio Cluniacensi subjecta consistere dignoscuntur occuparunt et occupari fecerunt domos ecclesias grangias molendina decimas obedientias casalia terras vineas possessiones census redditus et proventus jurisdictiones et jura ac nonnulla bona mobilia et immobilia ad dictum Cluniacense et alia monasteria sibi subjecta necnon prioratus decanatus et domos et prelibata ejus membra spectantia et ea detinent indebite occupata seu eadem detinentibus prestant auxilium consilium et favorem nonnulli etiam partium diversarum qui nomen Domini in vacuum recipere non formidant dictis abbatibus et prioribus ac decanis et conventibus monasteriorum et prioratuum eorundem in ecclesiis grangiis molendinis decimis casalibus castris terris jurisdictionibus juribus bonis et rebus aliis ad monasteria prioratus et domos predicta spectantibus multiplices molestias et injurias inferunt et jacturas quare pro parte dictorum Abbatis et conventus ejusdem monasterii Cluniacensis nobis extitit humiliter supplicatum ut cum valde difficile reddatur eisdem et aliis abbatibus prioribus decanis et eorum membris pro singulis querelis ad apostolicam sedem habere recursum providere eis super hoc paterna diligentia curaremus Nos igitur consideratione carissimi filii nostri Philippi regis Francie illustris super hiis nobis humiliter supplicantis illo volentes adversus occupatores detentores presumptores molestatores et injuriatores hujusmodi eis remedio subvenire per quod ipsorum compescatur temeritas et aliis aditus committendi similia precludatur discretioni vestre per apostolice scripta mandamus quatenus vos vel duo aut unus vestrum per vos vel alium seu alios etiam si sint extra loca in quibus deputati estis conservatores et judices abbatibus prioribus decanis conventibus et domibus ac membris predictis efficacis defensionis presidio assistentes non permittatis super premissis et quibuslibet aliis bonis et juribus ad ipsos spectantibus ab eisdem et quibuscunque aliis ipsis gravamina seu dampna vel injurias irrogari facturi ipsis cum ab eis vel eorum aliquo seu procuratore vel procuratoribus eorundem vel alicujus eorum fueritis requisiti de predictis et aliis personis quibuslibet super restitutione prioratuum decanatum ecclesiarum grangiarum castrorum casalium terrarum possessionum jurisdictionum jurium et bonorum mobilium et immobilium redditum quoque et conventuum et aliorum quorumcumque bonorum necnon de quibuslibet injuriis et molestiis presentibus et futuris in personis et rebus ipsorum in illis videlicet que judicialem requirunt indaginem simpliciter et de plano sine strepitu et figura judicii in aliis vero prout qualitas eorum exegerit justitie complementum occupatores seu detentores molestatores presumptores et injuriatores hujusmodi necnon contradictores quoslibet et rebelles cujuscunque status ordinis vel conditionis etiam si archiepiscopalis vel episcopalis dignitatis extiterint quandocunque et quotiescunque expedierit auctoritate nostra per censuram ecclesiasticam appellatione postposita compescendo invocato ad hoc si opus fuerit auxilio brachii secularis non obstantibus felicis recordationis Bonefacii pape octavi predecessoris nostri in quibus cavetur ne aliquis extra suam civitatem et dioecesem nisi in certis exceptis casibus et in illis ultra unam dictam a sine sue dioecesis ad judicium evocetur seu ne judices et conservatores a sede deputati predicta extra civitatem et dioecesem in quibus deputati fuerint contra quoscunque procedere sive alio vel aliis vices suas committere aut aliquos ultra unam dictam a sine dioecesis eorundem trahere presumant seu quod de aliis quam manifestis injuriis et violentiis ac aliis que judicialem indaginem exigunt penis in eos si secus egerint et in id procurantes adjectis conservatores se nullatenus intromittant et tam de duabus dictis in consilio generali dummodo ultra tertiam vel quartam dictam aliquis extra suam civitatem et dioecesem auctoritate presentium ad judicium non trahatur quam aliis quibuscunque constitutionibus a predecessoribus nostris Romanis pontificibus tam de judicibus delegatis et conservatoribus quam personis ultra certum numerum ad judicium non vocandis et aliis editis que nostre possent in hac parte jurisdictioni aut potestati ejusque libero exercitio quomodo libet obviare seu si aliquibus communiter vel divisim a predicta sit sede indultum quod excommunicari suspendi vel interdici seu extra vel ultra certa loca ad judicium evocari non possit per litteras apostolicas non faciendas plenam et expressam ac de verbo ad verbum de indulto hujusmodi et eorum personis et locis ordinibus et nominibus propriis mentionem et qualibet alia dicte sedis indulgentia generali vel speciali cujuscunque tenoris existat per quam presentibus non expressam vel totaliter non insertam nostre jurisdictionis explicatio in parte valeat quomodo libet impediri et de qua cujusque toto tenore de verbo ad verbum in nostris habenda sit litteris mentio specialis Ceterum volumus et apostolica auctoritate decrevimus quod quilibet vestrum prosequi valeat articulum etiam per alium inchoatum quamvis idem inchoans nullo fuerit impedimento canonico prepeditus quodque a datis presentium sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetuata potestas et jurisdictio attributa ut eo vigore et ea firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula coram vobis cepta fuissent et jurisdictio vestra et cujuslibet vestrum in predictis omnibus et singulus per citationem vel modum alium perpetrata legitimum extitisset constitutione predicta super conservatoribus et alia qualibet in contrarium edita non obstante Datum Avinion Idibus Aprilis pontificatus nostri anno secundo