Charter Document - 06190035
| Charter Number: | 06190035 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1367 |
| Date type: | Internal, A.D. |
| Resource Link(s): |
Embedded Document |
Charter:
Johannes et Hugo de Dunfermilyne et de Neubotil monasteriorum abbates conservatores et judices Sancti Andree dioecesis ad infrascripta per sedem apostolicam cum clausula opportuna deputati venerabili patri in Christo domino Roberto Dei gratia abbati monasterii de Kilwynnyn ac reverendo viro domino Willelmo priori de Lafmahagw salutem et mandatis nostris immo verius apostolicis firmiter obedire Noveritis nos mandatum apostolicum in modo et forma qui sequitur recepisse cujus tenor talis est [] Unde conquesti sunt nobis religiosi viri Abbas et conventus monasterii de Passeleto ordinis Cluniacensis Glasguensis dioecesis quod dominus Willelmus More miles dominus Abircorne eisdem et monasterio suo sepius et multipliciter est injuriatus dictum monasterium suum contra voluntatem eorum intrando hostia et fenestras frangendo homines et famulos suos sibi in hoc resistentes verberando ac etiam infra villam de Passeleto hominem mutilando necnon et ad terras suas ecclesiasticas in diversis locis existentes cum suis sequacibus illicite accedendo homines eorum verberando capiendo bonis suis illos spoliando ac dictas terras injuste na mando animalia dictorum hominum secum abducendo mactando vendendo et pro sue libito voluntatis de eisdem disponendo ac aliis injuriis et gravaminibus innumeris ipsos et monasterium suum sine causa vera vel legitima inquietando supplicantes nobis tanquam suis conservatoribus et judicibus a sede apostolica sic deputatis ut eis de opportuno remedio super predictis injuriis et gravamine virtute officii nobis commisi duceremus providere Nos vero mandatum apostolicum reverenter ut tenemur exequi cupientes in causa vel in causis quam vel quas dicti religiosi monasterii de Passeleto contra dictum dominum Willelmum More militem necnon et contra quascunque alias personas ecclesiasticas vel seculares cujuscunque status vel conditionis extiterint movere intendunt vobis vel uni vestrum conjunctim seu divisim vices nostras quatenus possumus quousque eas duxerimus revocandum cum canonica cohibitione per presentes committimus et subdelegamus vobis auctoritate qua fungimur in hac parte firmiter precipientes quatenus in causa predicta vel aliis si quas habuerint contra ipsum vel alias personas quascunque quotiens per dictos religiosos fueritis requisiti secundum tenorem bulle papalis prenotate legitime procedatis Datum sub sigillis officiorum nostrorum apud Eddynburg vicesimo die mensis Augusti anno Domini millesimo trecentesimo sexagesimo septimo
Source (click image below to view full size)
Markups
Names Markup:
Johannes et Hugo de Dunfermilyne et de Neubotil monasteriorum abbates conservatores et judices Sancti Andree dioecesis ad infrascripta per sedem apostolicam cum clausula opportuna deputati venerabili patri in Christo domino Roberto Dei gratia abbati monasterii de Kilwynnyn ac reverendo viro domino Willelmo priori de Lafmahagw salutem et mandatis nostris immo verius apostolicis firmiter obedire Noveritis nos mandatum apostolicum in modo et forma qui sequitur recepisse cujus tenor talis est []embed Unde conquesti sunt nobis religiosi viri Abbas et conventus monasterii de Passeleto ordinis Cluniacensis Glasguensis dioecesis quod dominus Willelmus More miles dominus Abircorne eisdem et monasterio suo sepius et multipliciter est injuriatus dictum monasterium suum contra voluntatem eorum intrando hostia et fenestras frangendo homines et famulos suos sibi in hoc resistentes verberando ac etiam infra villam de Passeleto hominem mutilando necnon et ad terras suas ecclesiasticas in diversis locis existentes cum suis sequacibus illicite accedendo homines eorum verberando capiendo bonis suis illos spoliando ac dictas terras injuste na mando animalia dictorum hominum secum abducendo mactando vendendo et pro sue libito voluntatis de eisdem disponendo ac aliis injuriis et gravaminibus innumeris ipsos et monasterium suum sine causa vera vel legitima inquietando supplicantes nobis tanquam suis conservatoribus et judicibus a sede apostolica sic deputatis ut eis de opportuno remedio super predictis injuriis et gravamine virtute officii nobis commisi duceremus providere Nos vero mandatum apostolicum reverenter ut tenemur exequi cupientes in causa vel in causis quam vel quas dicti religiosi monasterii de Passeleto contra dictum dominum Willelmum More militem necnon et contra quascunque alias personas ecclesiasticas vel seculares cujuscunque status vel conditionis extiterint movere intendunt vobis vel uni vestrum conjunctim seu divisim vices nostras quatenus possumus quousque eas duxerimus revocandum cum canonica cohibitione per presentes committimus et subdelegamus vobis auctoritate qua fungimur in hac parte firmiter precipientes quatenus in causa predicta vel aliis si quas habuerint contra ipsum vel alias personas quascunque quotiens per dictos religiosos fueritis requisiti secundum tenorem bulle papalis prenotate legitime procedatis Datum sub sigillis officiorum nostrorum apud Eddynburg vicesimo die mensis Augusti anno Domini millesimo trecentesimo sexagesimo septimo