Charter Document - 06190036

Robertus permissione divina abbas monasterii de Kylwinyn et Willelmus prior de Lessemahagw ordinis Teronensis Glaiguensis dioecesis commissarii venerabilium in Christo patrum dominorum Johannis et Hugonis Dei gratia de Dunfermeline et de Neubotle Sancti Andree dioecesis monasteriorum abbatum conservatorum et judicum ad infra scripta per sedem apostolicam specialiter deputatorum omnibus et singulis abbatibus prioribus archidiaconis officialibus decanis rectoribus vicariis et capellanis tam non curatis quam curatis per dioeceses Sancti Andree Glasguensem et Dunblanensem constitutis salutem et mandatis nostris ac dictorum conservatorum et judicum immo verius apostolicis firmiter obedire Nuper litteras commissionis dictorum dominorum abbatum conservatorum et judicum ad infra scripta per sedem apostolicam deputatorum recepimus in hec verba [] Nos autem Robertus et Willelmus dictorum conservatorum et judicum commissarii in causa vel causis per dictos religiosos contra dictum dominum Willelmum More militem Gilcristum fratrem dicti domini Willelmi et Johannem filium Johannis burgensis de Lynlitqw movendis secundum mandatum dictorum conservatorum et judicum immo verius apostolicum ad requisitionem dictorum religiosorum legitime procedere ac inter eosdem jus volentes reddere vobis omnibus et singulus abbatibus prioribus archidiaconis officialibus decanis rectoribus vicariis et capellanis tam non curiatis quam curiatis totius episcopatus Sancti Andree Glasguensis et Dunblanensis supra dictis et vestrum cuilibet per se ad quem presentes littere pro executione habenda fuerint presentate auctoritate qua fungimur in hac parte ac sub pena excommunicationis majoris quam in vos et quemlibet vestrum qui presens mandatum debite recipere et adimplere neglexeritis aut neglexerit vel illud infra tres dies a tempore receptionis ejusdem immediate sequentes quorum primum pro prima secundum pro secunda et tertium pro tertia et peremptoria monitione vobis et vestrum cuilibet per presentes assignamus executioni debite non de mandaveritis vel circa illud dolum aliquem fictionem machinationem commiseritis aut commentum proferimus in hiis scriptis firmiter precipiendo mandamus quatenus ad presentiam dicti domini Willelmi Gilcristi et Johannis personaliter accedentes ipsum dominum Willelmum Gilcristum et Johannem citetis nominatim quod compareant coram nobis vel uno nostrorum conjunctim seu divisim apud Glasgw in ecclesia cathedrali ejusdem in loco consistorii ubi potest habere copia peritorum primo die mensis Octobris proximum futuri predictis Abbati et conventui monasterii de Passeleto vel eorum procuratoribus aut procuratori super predictis gravaminibus dampnis et injuriis ac aliis si que sibi objicere voluerint responsuri ac omnia et singula facturi que postulaverit ordo juris et rationis et si predicti dominus Willelmus Gilcristus et Johannes inveniri non poterint in locis in quibus communiter habitare consueverint vel consueverit in ecclesiis suis parochialibus ipsos per vos modo quo supra ad comparendum coram nobis ut premittitur citari volumus et mandamus Et in signum hujusmodi citationis per vos sic facte vos abbates priores archidiaconi officiales et decani ad quos presentes littere pervenerint necnon et vos singuli vicarii et capellani dictarum dioecesum qui ex parte dictorum religiosorum de Passeleto super hoc fueritis requisiti sigilla vestra magis autentica et notiora presentibus apponatis easdem facta citatione hujusmodi latori earundem libere reddentes et deliberantes Datum sub sigillis nostris apud Glasgw tertio die mensis Septembris anno Domini millesimo trecentesimo sexagesimo septimo