Charter Document - 05360003

In nomine domini amen Anno incarnacionis eiusdem millesimo trecentesimo septuagesimo septimo die decima mensis februarii ego Johannes Perrini de Diuione cacabarius filius et heres quodam Perui Perrini de Diuione poterii cupri notum facio vniuersis quod ego scienter prouide et deliberate vendo cedo quicto et transfero perpetuo per presentes pro me et heredibus meis religiosis et honestis viris priori et conuentui monasterii sancti Stephani de Diuione pro se et successoribus suis imperpetuum presentibus ementibus et recipientibus quinquaginta solidos turonenses monete communiter currentis Diuioni ad vendicionem panis et vini annui et perpetui census seu redditus quos michi debent annis singulis Perrinus de Thoreyo Diuione commorans serarius et Guillemata eius vxor soluendi medietatem ad festum natiuitatis domini et aliam medietatem ad festum natiuitatis beati Johannis Baptiste Supra dimidiam domum gallice l'oureur ante celarium de super chassum gallice du Mortaut et cameram que est iuxta puteum vnacum dicto puteo sicut se gerit que domus sita est Diuione in vico es Belioz iuxta domum religiosorum Sancti Spiritus de Diuione hinc et domum magistri Johannis du Pautez inde quam dimidiam domum prefati coniuges retinuerunt imperpetuum a dicto patre meo pro censu predicto Item tres florenos de Florencia boni auri et iusti ponderis annui et perpetui census seu redditus quos michi debent annis singulis Guillelmus li lenserez de dicto Diuione vitiscola et Agneleta eius uxor soluendi per medium ad dicta festa super medietatem cuiusdam domus fondi mansi et pertinenciarum eius prout se gerit ante et retro vnacum celario subtus dictam medietatem existentem a parte posteriori vici du Pautez que domus sita est in vico dicto ès Belioz iuxta domum religiosorum Sancti Spiritus de Diuione quam tenet Gelietus de Blaiseyo hinc et mansum heredum magistri Johannis du Pautez quam tenent heredes Odonis Valon inde Quanquidem medietatem prefati Guillelmus li lenserez et Agneleta eius uxor retinuerunt pro dicto censu a dicto patre meo prout hec omnia et singula in quibusdam litteris sub sigillo curie domini ducis Burgondie confectis inferius insertis lacius continentur Et hanc vendicionem facio pro precio et summa septuaginta francorum boni auri et iusti ponderis cugni domini nostri francorum regis michi propter hoc a dictis religiosis traditorum deliberatorum numeratorum et solutorum realiter et de facto in presencia coadiutoris et testium subscriptorum de quibus me teneo ab ipsis religiosis plenarie pro contento Ipsos super hiis penitus et imperpetuum quictando deuestiens me heredes meos et a me causam habentes et habituros perpetuis temporibus de censibus antedictis ipsos que religiosos et successores suos inuestiens perpetuo de eisdem atque transferens in ipsos et successores suos omne jus et omnes actiones reales et personales meras et mixtas quod et quas habeo habere possum et debeo virtute litterarum infra scriptarum et alia quacunque de causa in predictis censibus et domibus super quibus debentur et contra illos qui dictas domos tenent ut prefertur Promictens dictis religiosis et ex abundanti coadiutori infrascripto persone publice ad opus quorum interest stipulanti per juramentum meum propter hoc ad sancta dei euuangelia corporaliter datum et sub obligacione omnium et singulorum bonorum meorum mobilium et inmobilium presencium et futurorum quorumcunque vendicionem huiusmodi et omnia et singula in presentibus litteris contenta perpetuis temporibus obseruare et in contrarium non facere dicere vel venire quomodolibet in futurum necnon predictos census dictis religiosis et successoribus suis supradictas domos et contra ipsos qui tenent dictas domos et heredes suos perpetuo garantire et facere quicquid in causa euiccionis fieri debent et prestari Renuncians penitus in hoc facto ex certa sciencia sub juramento et obligacione predictis exceptioni doli mali vix metus lesionis et decepcionis actioni in factum condicioni sine causa seu ex iniusta causa contractus non sit celebrati aut in hoc non seruata juris solemnitate vendicionis et aliorum predictorum legitime non factorum omnium deceptionum decepcionis vltra uel citra dimidiam partem justi precii omni juris auxilio scripti et non scripti canonici et ciuilis omnibus juribus et legibus per que rescinduntur negocia siue contractus quando apparet contrahentes in aliquo fore lesos modo aliquo uel deceptos et omnibus aliis et singulis excepcionibus decepcionibus cauillacionibus barris allegacionibus deffensionibus et contradicionibus tocius juris canonici et ciuilis quibus contra presentes litteras seu earum tenorem dici posset obici uel opponi jurique dicenti generalem renunciacionem non valere nisi precesserit specialis Volens me et heredes meos ad premissorum omnium et singulorum obseruanciam cogi et compelli quasi ex re adiudicata per curiam domini ducis Burgondie cuius jurisdicioni et compulsioni quo ad hoc suppono me heredes meos et omnia mea et heredum meorum bona mobilia et immobilia presencia et futura queconque In cuius rei testimonium sigillum dicte curie rogaui et obtinui hiis apponi litteris quas fieri volui et expresse consencii ad consilium et dictamen sapientum eis modo solemnitate et forma quibus melius fieri et dictari poterunt et debebunt ad opus et vtilitatem dictorum religiosorum et successorum suorum facti tamen substancia in premissis obseruata et in aliquo non mutata Actum in presencia Guillelmi Raymondi de Broichone clerici coadiutoris discreti viri Clementis Moret de Beligneyo notarii de Roura pro dicto domino duce Johannis le Prestet et Perreneti le Quarrellet dicto Diuione commorancium testium ad hoc vocatorum specialiter et rogatorum anno die et mense predictis Tenor vero litterarum dictorum quinquaginta solidorum censualium de quibus superius fit mencio sequitur in hunc modum [] Item sequitur tenor aliarum litterarum dictorum trium florenorum censualium de quibus superius habetur mencio et est talis [] In quorum testimonium litteris istis sigillum dicte curie rogauimus et obtinuimus apponi Actum in presencia Brecii Johannis de Messigneyo clerici coadiutoris Andree Stephani de Faanayo notarii Diuionis Stephani de Marcilleyo de Diuione et Guidonis de Fontanis Franciscis clericorum testium ad hoc vocatorum et rogatorum anno et die predictis