Charter Document - 05362003

In nomine domini amen Anno jncarnacionis eiusdem millesimo trecentesimo sexagesimo quarto die decima octaua mensis januarii nos Guillermus li Lenserez de Diuione vinerius et Agneleta eius uxor filia quondam Girardi Martin de Suilleyo videlicet ego dicta Agneleta de laude consensu et auttoritate dicti Guillermi mariti mei notum facimus vniuersis presentes litteras inspecturis quod nos et quilibet nostrum insolidum retinemus ad annum et perpetuum censum pro nobis et nostris heredibus a Perrino Petit de Diuione cacabario medietatem cuiusdam domus ac fundi et pertinenciarum eiusdem prout se ingerit ante et retro vnacum celario subtus dictam medietatem exuntem a parte posteriori scilicet vici vocati la rue du Pautez que domus sita est Diuione in vico dicto es Belioz iuxta domum et mansum religiosorum Sancti Spiritus de Diuione quam ab ipsis tenet ad censum perpetuum Gelietus de Blaiseyo Diuione commorans hinc et iuxta domum et mansum heredum magistri Johannis dou Pautez quos ab ipsis tenent ad censum heredes Odonis Valon inde Hanc autem retencionem facimus precio anno quolibet trium florenorum Florencie boni auri et iusti ponderis annui et perpetui census seu redditus quosquidem tres florenos Florencie annui et perpetui census seu redditus nos dicti retentores tenemur anno quolibet perpetuo reddere et soluere dicto Perrino Petit et suis heredibus imperpetuum ad terminos infrascriptos videlicet medietatem ad festum Natiuitatis Domini et aliam medietatem ad festum Natiuitatis beati Johannis Baptiste inde sequens et incipiet prima solutio dicti annui et perpetui census ad festum Natiuitatis beati Johannis proxime venturum Et predictam domum nos dicti retentores et nostri heredes de cetero tenebimur in bono statu de omnibus necessariis manu tenere Et predictos tres florenos Florencie annui et perpetui census seu redditus nos et quilibet nostrum assedemus et assignamus predicto Perrino pro se et suis heredibus generaliter super omnia nostra mobilia et inmobilia presencia et futura quecunque sint et specialiter et expresse supradictam medietatem dicte domus item supra duas pecias terre continentes circa duo jornalia sicut se ingerunt sita in finagio Sancti Appolinaris prima in loco dicto en Barboillon juxta terram Valcheri le Gardelet hinc et inde et alia sita est de super vineas de Suilleyo iuxta terram heredum Johannis Lamberti hinc et terram religiosorum vallis beate Marie prope Talentum inde Et volumus et nos consentimus in casu quo nos aut heredes nostros in solucione dicti annui et perpetui census seu redditus aliquomodo defficere contingitur quod dictus primus aut heredes sui ad predictas terras recurrere possint et valeant auctoritate sua propria eaque hereditagia teneat uel teneant possideant et habeant fructus exitus et redditus eorundem hereditagiorum suos totaliter faciant quoadusque de qualibet solucione dicti annui et perpetui census seu redditus prefato Perrino et suis extiterit anno quolibet integraliter et perfecte satisfacum ac de dampnis omnibus missionibus et interesse ab huiusmodi causam habituris et sustensis ac incursis Que predicta omnia et singula et eorum quodlibet nos dicti retentores et quilibet nostrum insolidum tenemur ex pacto et promictimus pro nobis et nostris heredibus quos ad hoc obligamus per juramentra nostra propter hoc ad sancta Dey euuangelia corporaliter data et sub obligacione omnium et singulorum bonorum nostrorum mobilium et jmmobilium presencium et futurorum quoruncunque facere tenere et totaliter adimplere predicto Perrino et suis ac jnuiolabiliter obseruare et contra ea ac tenorem presencium de cetero non facere dicere vel venire quoquomodo Et nichilominus omnia dampna omnes missiones et expensas ac totum interesse que et quas ob quemlibet deffectum premissorum uel alicuius ipsorum modo premisso per nos dictos retentores non completorum dictus Perrinus aut heredes sui se dixerit uel dixerint incurrisse fecisse vel sustinuisse tenemur ex pacto et promictimus sub juramento et obligacione predictis eidem Perrino vel eius heredibus plenarie reddere et restaurare ad ipsius Perrini vel heredum suorum requestam omni exceptione juris utriusque super hoc cessante penitus et remota et ad premissa tenenda volumus nos et quelibet nostrum insolidum compelli quasi ex re adiudicata per curiam domini ducis Burgondie cuius jurisdicioni quo ad hoc supponimus nos heredes nostros et omnia bona nostra