Charter Document - 04900630
| Charter Number: | 04900630 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1206 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document Reference Document for this Embedded Document |
Charter:
Innocentius episcopus servus servorum Dei dilectis filiis Abbati Sancti Johannis de Valeia Decano et Majori archidiacono Carnotensibus salutem et apostolicam benedictionem Exhibita nobis dilectorum filiorum Prioris et conventus Sancti Martini de Campis conquestio patefecit quod O presbiter de Novavilla nobilis vir vicecomes Milidunensis et quidam alii tam clerici quam laici Aurelianensis et Senonensis diocesum super oblationibus nemoribus terris decimis quodam tractu decimarum et rebus aliis injuriantur eisdem insuper Thomas et quidam alii qui eorum ecclesie tenentur servilia opera exibere illos illos eisdem defraudare presumunt Quocirca Discretioni vestre per apostolica scripta mandamus quatenus prefatum presbiterum nobilem et alios ut ab ejusdem Prioris et monachorum indebita molestatione desistant prefatos autem servos ut eidem ecclesie deserviant ut tenentur monitione premissa per districtionem ecclesiasticam apellatione remota cogatis Testes autem qui fuerint nominati si se gratia odio vel timore subtraxerint simili censura cessante appellatione cogatis veritati testimonium perhibere Nullis litteris veritati et justicie prejudicantibus a Sede apostolica impetratis Quod si non omnes hiis exequendis potueritis interesse duo vestrum ex ea nichilominus exequantur Datum Rome apud Sanctum Petrum xvii kal aprilis pontificatus nostri anno nono