Charter Document - 03391027
| Charter Number: | 03391027 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1231 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document |
Charter:
Gregorius episcopus servus servorum dei venerabili fratri episcopo Sar salutem et apostolicam benedictionem Homines ville de Chotes tue diocesis sua nobis petitione monstrarunt quod cum eadem villa adeo a matrice ecclesia sit remota quod yemali tempore propter inundationem aquarum ac etiam viarum discrimina de eadem villa ad ecclesiam memoratam valde difficilis sit accessus contingit interdum quod corpora defunctorum iacent ibidem per triduum insepulta in abhominationem et scandalum plurimorum Unde nobis humiliter supplicarunt ut cum iidem habeant in eadem villa capellam et proprium capellanum in ipsa pro tam evidenti necessitate sepulturam habere ibidem de nostra sibi permissione liceret Volentes igitur tibi qui loci diocesanus existis in hac parte deferre fraternitati tue per apostolica scripta mandamus quatinus eisdem si expedire videris postulata concedas absque iuris preiudicio alieni Dat Lateran xvi kl Maii pontificatus nostri anno v