Charter Document - 03390085

Omnibus sancte matris ecclesie filiis presens scriptum visuris vel audituris Robertus miseratione divina Sar ecclesie minister humilis salutem in domino sempiternam Sana non inmerito censetur industria que laxam fratrum concordiam unionis vinculo solidat artiori et non minus sanum perpenditur factumque propositum quod contencionis penitus causam tollens et funditus amputans materiam iurgiorum unanimem in domo domini efficit paritatem Sane cum inter dilectos in Cristo filios Iohannem et Adam canonicos de Romes ratione porcionum quas pro indiviso optinebant in ecclesia de Edindon tam in decimis quam in aliis proventibus et inter eosdem et dilectas in Cristo filias abbatissam et conventum de Romes super quibusdam decimis scilicet de veteribus dominicis Walteri de Beynton et Willelmi de Tenhid necnon et tam super minutis quam omnibus aliis decimis dominici Iordani la Warre de feodo Walteri de Romes militis lites et discordie fuissent sepius suscitate eisdem nobis humiliter supplicantibus ut de predictis porcionibus et decimis inter eos ordinando ipsorum et successorum suorum utilitati ac paci perpetue prospicere curaremus prefatis abbatissa et conventu per Angerum clericum procuratorem suum sub hac forma constitutum [] prefato Ada per magistrum Nicholaum de Romes et Angerum clericum procuratores suos constitutos sub hac forma [] et predicto Iohanne personaliter in presencia nostra constitutis et se ordinacioni nostre sponte absolute et concorditer supponentibus nos materiam licium extinguere cupientes et predictarum parcium et successorum suorum indempnitati pariter et tranquillitati providere volentes deum habentes pre oculis dictarum porcionum et decimarum estimacione pensata de consilio virorum prudentum et iuris peritorum ordinavimus in hunc modum Videlicet quod predictus Iohannes et eius successores habeant et possideant in perpetuum dictam ecclesiam de Edindon cum capella de Bradeleg et predictis decimis de Beynton Tenhid et Coveleston et omnibus aliis spectantibus ad ecclesiam et capellam predictas et quod prefatus Ada et successores sui habeant et possideant in perpetuum memoratam capellam de Ymmemer cum omnibus pertinenciis suis ita tamen quod predictus Ada et successores sui de fructibus eiusdem capelle de Ymmemer octo marcas argenti apud Romes dictis abbatisse et conventui nomine dictarum decimarum quas prius percipere consueverant ad duos terminos solvant annuatim videlicet in festo omnium sanctorum quatuor marcas et in vigilia Annunciacionis dominice quatuor marcas sub pena trium marcarum dictis abbatisse et conventui committenda quocienscumque in aliquo dictorum terminorum dictus Ada vel successores sui in solucione cessaverint supradicta predictarum ecclesie et capellarum oneribus tam ordinariis quam extraordinariis rectoribus qui pro tempore fuerint divisim incumbentibus salvis in omnibus iure auctoritate et dignitate Sar ecclesie et nostra et successorum nostrorum et salvo iure patronatus predictarum ecclesie et capellarum dictis abbatisse et conventui quando eas vacare contigerit Ut autem hec omnia robur obtineant perpetue firmitatis tria instrumenta eundem tenorem continencia et signis parcium signata sigilli nostri munimine duximus roboranda et singula singulis parcium committenda Hiis testibus magistro Egidio archidiacono Bersir tunc officiali nostro magistro Stephano archidiacono Sar domino Petro de Cumbe domino Thoma de la Wile domino Petro de Wymburn capellano nostro magistris Roberto de Wichamton et Rogero de le Grene Willelmo de Castell et aliis Actum anno domini MCCXLI vi kl Aprilis Dat apud Sar per manum Walteri de la Wile capellani nostri pontificatus nostri anno duodecimo