Charter Document - 03391085
| Charter Number: | 03391085 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1241 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Reverendo patri et domino in Cristo karissimo domino Robertus dei gratia Sar episcopo Cecilia abbatissa de Romes et eiusdem loci conventus salutem et debitam semper in domino obedienciam Noverit paternitas vestra nos dilectum clericum nostrum Angerum latorem presencium procuratorem nostrum constituisse ad recipiend[um] ordinacionem vestram super ecclesia de Edindon capella de Ymmemer et decimis omnibus quas percipere consuevimus infra limites parochie de Edindon videlicet de veteribus dominicis Walteri de Beynton et Willelmi de Tenhyde necnon et tam super minutis quam omnibus aliis decimis dominici Iordani La Warre de feodo Walteri de Romes ratum habiture et gratum quicquid predictus Angerus procurator noster coram vobis super predictis ecclesia capella et decimis ordinacione vestra mediante duxerit admittend[um] salvo iure patronatus in dictis ecclesia de Edindon et capella de Ymmemer perpetuo nobis et successoribus nostris Idem dominis Iohanni de Romes et Adam canonicis de Romes significamus In cuius rei testimonium presentibus litteris sigilla nostra fecimus apponi Datum apud Romes ix kalendas Aprilis anno domini MCCXL