Charter Document - 03392085
| Charter Number: | 03392085 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1241 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Reverendo patri et domino in Cristo karissimo domino R dei gratia Sar episcopo Ada canonicus de Romes salutem et debitam semper in domino obedienciam Noverit paternitas vestra me dilectos in Cristo magistrum Nicholaum de Romes et Angerum Devoniensem clericum procuratores meos constituisse ad recipiendum ordinacionem vestram super ecclesia de Edindon capella de Ymmemer et decimis omnibus quas percipere consueverunt infra limites parrochie de Edindon abbatissa de Romes et conventus eiusdem loci videlicet de veteribus dominicis Walteri de Beynton et Willelmi de Tenhid necnon et tam super minutis quam omnibus aliis decimis dominici Iordani la Warre de feodo Walteri de Romes ratum habiturus et gratum quicquid predicti magister Nicholaus et Angerus clericus procuratores mei vel unus eorum quem coram vobis ad recipiend[um] ordinacionem predictam adesse contigerit super predictis ecclesia de Edindon capella de Ymmemer et decimis prenominatis ordinacione vestra mediante duxerint admittend[um] Idem domine abbatisse de Romes conventui eiusdem loci et domino Iohanni de Romes rectori dicte ecclesie de Edindon concanonico meo significo In cuius rei testimonium presentibus litteris sigillum meum apposui Dat apud Romes ix kl Aprilis anno domini MCCXL