Charter Document - 02520068
| Charter Number: | 02520068 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Assigned |
| Resource Link(s): |
Monasterium.net |
Charter:
Ego Chunradus abbas in Raitenhaslach cum collegio suo et ego Hainricus prepositus in Ranshouen cum conventu suo in perpetuum Cum agitaretur questio inter nos de proprietate capelle in Neunchirchen fundate in patrimonio beati Pancracii Ranshouen site vero in terminis parrochialis ecclesie Halspach que spectare dinoscitur ad monasterium Raitenhaslach multis hinc inde habitis racionibus laboribus et expensis de consilio providorum virorum ut liti finem inponeremus ius utriusque ecclesie arbitrio commissimus quatuor personarum duarum videlicet utriusque monasterii has condicione interposita ut si quatuor predicti in forma composicionis concordare non possent secundum arbitrium Chunonis decani maioris ecclesie Salzburgensisi totum negocium terminaretur et utraque pars per publicum instrumentum ut staret ipsius arbitrio firmiter compromisit Predictis igitur quatuor personis videlicet priori et camerario de Raitenhaslach et decano et cellerario de Ranshouen ad arbitrium convenientibus et concordare non valentibus decanus Salzburgensisi sub presencia magnorum virorum secundum prescriptam formam arbitratus est ita videlicet ut plebanus pro tempore in Halspach recipiat capellam in Neunchirchen de manu prepositi iure patroni cum sua dote et eandem capellam in officiet ordinacio vero decimarum de quibus eadem capella in tecto luminariis et aliis necessariis provideri debet et elemosina in festo sancti Emmerammi distribui ad disposicionem pertinebit prepositi in Ranshouen Et quia eadem capella dis consecrata esse dinoscitur tam prepositus de Ranshouen quam plebanus de Halspach reconsecracionem ipsius ecclesiam procurabunt Hoc autem arbitrium publicatum est presentibus Alberto preposito maioris ecclesie Salzburgensisi Perhtoldo abbate de Burenn Hermanno preposito de Werde Pernhardop et canonico et plebano Salzburgensii Gerhohor de Matse Rudolfos de Chothibach Hainrico de Helphaw Ortolfo et Wolframmo militibus Heinrico de Tiufenbach et aliis quam pluribus Ut autem hec forma arbitrii rata in futurum habeatur sigillum maioris ecclesie Salzburgensisi una cum sigillis nostris apponi petivimus huic carte