Charter Document - 08021102
| Charter Number: | 08021102 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1255 - 1269 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod Ego Godefridus de Eskydemore miles dedi concessi remisi et quietum clamaui pro me et heredibus meis Magistro hospitalis sancti Nicholai Sarum ad pontem nouarum Sarum et fratribus sanis et infirmis eiusdem hospitalis ibidem Deo seruientibus decem solidatas annui redditus quas percipere consueui annuatim de duabus carucatas terre cum pertinenciis in Gerardeston et eciam in redditu vnius libre piperis et vnius libre cumini quem redditum consueui percipere annuatim de eadem terra Concessi eciam pro me et heredibus meis quod de cetero non poterimus exigere habere vel clamare versus predictos magistrum et fratres et eorum successores vel versus predictum hospitalem homagium custodiam releuium vel sectam curie mee vel heredum meorum occasione predictarum duarum carucataram terre cum pertinenciis quas predicti magister et fratres tenent in predicta villa de Gerardeston et quas habent de dono Walkelini de Rosey Immo volo et concedo quantum ad me et heredes meos pertinet quod predicti magister et fratres teneant predictam terram cum pertinentiis in eadem villa libere et quiete et pacifice absque omni seruicio consuetudine et exaccione seculari que ad me vel ad heredes meos pertinent vel possent aliquibus temporibus succedentibus pertinere Et pro hac donacione et concessione remissione et quieta clamancia dederunt michi predicti magister et fratres viginti marcas et quinque sterlingorum Et vt hec mea donacio et concessio remissio et quieta clamancia firma et stabilis perseueret huic scripto sigillum meum apposui Hijs testibus Dominis Johanne de Chereburgh Thoma le Tabler Ricardo de Durneford Willelmo de Grymestede militibus Willelmo de Wynton Henrico de Dun Galfrido de Wyuelesford Johanne Aleni Johanne de Perham Johanne de Maningeford Henrico Tulet Henrico de Munsorel Willelmo de sancto Benigno clerico et alijs