Charter Document - 07860047
| Charter Number: | 07860047 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1296 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Edwardus Dei gratia Rex Anglie dominus Ybernie et dux Aquitannie Omnibus ad quos presens scriptum pervenerit salutem Vidimus depositum quingentarum librarum in abbacia de Burgo sancti Petri existencium de pecunia decime a clero Regni nostri Anglie in subsidium terre sancte nuper concesse Vidimus etiam litteras abbatis et conventus ejusdem loci obligatorias magistro Giffredo de Vezano camere domini Pape clerico apostolice sedis nuncio et executori negociorum terre sancte super decima et aliis a dicta sede in Angliam deputato super ejusdem depositi recepcione confectas in hec verba [] Et quia pro quibusdam arduis et specialibus negociis nos et regnum nostrum Anglie contingentibus que de novo emerserunt pecunia quam plurimum indigemus pro eisdem negociis nostris felicius expediendis a prefatis abbate et conventu mutuo quingentas libras recepimus antedictas Obligantes nos heredes et successores nostros dictis abbati et conventui ac successoribus suis sub omnimodis condicionibus et penis in forma obligacionis sue superius annotata contentis ad plenam et integram ejusdem peccunie solucionem seu restitucionem infra duos menses faciendam postquam nos ab eisdem abbate et conventu vel a dicto magistro Giffredo seu alio certo dicte sedis nuncio super hoc fuerimus requisiti Promittimus etiam bona fide pro nobis heredibus et successoribus nostris quod ipsos abbatem et conventum et successores suos ac monasterium suum penes dominum Papam prefatum magistrum Giffredum et alium quemcumque certum dicte sedis nuncium in omnibus casibus et periculis que racione mutui eisdem quoquo modo possent evenire illesos conservabimus penitus et indemnes In cujus rei testimonium presentibus sigillum nostrum fecimus apponi Datum apud Westmonasterium xxv die Aprilis anno regni Regis xiiii