Charter Document - 07860046
| Charter Number: | 07860046 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Religious |
| Charter Type(s): | Confirmation, Promise |
| Date: | 1286 |
| Date type: | Internal, A.D., Feast |
| Resource Link(s): |
Embedded Document |
Charter:
Noverint universi presentes litteras inspecturi quod nos Ricardus miseracione divina abbas de Burgo sancti Petri et ejusdem loci Conventus de plano recognoscimus et confitemur nos recepisse et habere in deposito nomine Romane ecclesie et terre sancte a venerabili viro magistro Gifredo de Vezano camere domini Pape clerico apostolice sedis nuncio et executore negociorum terre sancte super decima et aliis a dicta sede in Angliam deputato de peccunia decime ipsius terre sancte concesse subsidio que collecta fuit in Regno Anglie Quingentas libras sterlingorum bonorum novorum et legalium Cui deposito nos voluntarie obtulimus pro nostris et monasterii nostri utilitatibus et promittimus per bonam fidem nostram ac juramus nos abbas et conventus predicti depositum ipsum plene et integre reddere solvere restituere et assignare dicto magistro Gifredo seu alio certo sedis apostolice nuncio apud Novum Templum Londoniarum infra duos menses postquam nos vel aliquis nostrum a dicto magistro Giffredo seu alio certo predicte sedis nuncio fuerimus requisiti De qua requisicione creditur simplici verbo dicti magistri Giffredi seu alterius hujusmodi certi nuncii suscipientes in nos casus et pericula furti et rapine incendii et vis majoris et omnes alios casus et omnia alia pericula qui et que quolibet evenire possent Et subjicientes nos jurisdictioni dicti magistri Giffredi et cujuscumque alterius dicte sedis nuncii ut per excommunicacionis in personas et interdicti in ecclesiam nostram sentencias sine aliqua monicione compellere nos possint et possit ad plenam restitucionem depositi supradicti Renunciando omni juri canonico et civili tacito vel expresso competenti et competituro et omnibus privilegiis et indulgenciis impetratis et impetrandis ac etiam regiis prohibicionibus quibus contra premissa vel contra aliquod premissorum contrafacere vel contravenire possemus Obligando nos et omnia bona nostra et monasterii nostri ac successores nostros Romane ecclesie et terre sancte Et ut in premissis plenior securitas habeatur sponte promittimus et vovemus dare pro subsidio terre sancte quinquaginta libras pro singulis mensibus quibus post requisicionem predictam defecerimus in premissis In quorum omnium testimonium has litteras nostras fieri fecimus patentes [] Datum et actum in capitulo nostro die Martis in crastino Annunciacionis dominice anno Domini MCC octogesimo sexto
Markups
Names Markup:
Noverint universi presentes litteras inspecturi quod nos Ricardus miseracione divina abbas de Burgo sancti Petri et ejusdem loci Conventus de plano recognoscimus et confitemur nos recepisse et habere in deposito nomine Romane ecclesie et terre sancte a venerabili viro magistro Gifredo de Vezano camere domini Pape clerico apostolice sedis nuncio et executore negociorum terre sancte super decima et aliis a dicta sede in Angliam deputato de peccunia decime ipsius terre sancte concesse subsidio que collecta fuit in Regno Anglie Quingentas libras sterlingorum bonorum novorum et legalium Cui deposito nos voluntarie obtulimus pro nostris et monasterii nostri utilitatibus et promittimus per bonam fidem nostram ac juramus nos abbas et conventus predicti depositum ipsum plene et integre reddere solvere restituere et assignare dicto magistro Gifredo seu alio certo sedis apostolice nuncio apud Novum Templum Londoniarum infra duos menses postquam nos vel aliquis nostrum a dicto magistro Giffredo seu alio certo predicte sedis nuncio fuerimus requisiti De qua requisicione creditur simplici verbo dicti magistri Giffredi seu alterius hujusmodi certi nuncii suscipientes in nos casus et pericula furti et rapine incendii et vis majoris et omnes alios casus et omnia alia pericula qui et que quolibet evenire possent Et subjicientes nos jurisdictioni dicti magistri Giffredi et cujuscumque alterius dicte sedis nuncii ut per excommunicacionis in personas et interdicti in ecclesiam nostram sentencias sine aliqua monicione compellere nos possint et possit ad plenam restitucionem depositi supradicti Renunciando omni juri canonico et civili tacito vel expresso competenti et competituro et omnibus privilegiis et indulgenciis impetratis et impetrandis ac etiam regiis prohibicionibus quibus contra premissa vel contra aliquod premissorum contrafacere vel contravenire possemus Obligando nos et omnia bona nostra et monasterii nostri ac successores nostros Romane ecclesie et terre sancte Et ut in premissis plenior securitas habeatur sponte promittimus et vovemus dare pro subsidio terre sancte quinquaginta libras pro singulis mensibus quibus post requisicionem predictam defecerimus in premissis In quorum omnium testimonium has litteras nostras fieri fecimus patentes []embed Datum et actum in capitulo nostro die Martis in crastino Annunciacionis dominice anno Domini MCC octogesimo sexto