Charter Document - 07301220
| Charter Number: | 07301220 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1211 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Innocentius episcopus servus servorum Dei dilectis filijs abbati et priori de Kelcow et rectori ecclesie de Eklis sancti Andree dioecesis salutem et apostolicam bene dictionem Insinuarunt nobis dilecti filij abbas et conventus de Driburgh Premonstratensis ordinis quod cum Alexander clericus de Glasguensis dioecesis ipsos super quibusdam decimis ad ecclesiam suam Lanark spectantibus coram venerabili fratre meo Glasguensi episcopo ex delegatione nostra traxisset in causam ipsi sentientes se ab eodem gravari nostram judicent iam applicarunt [nostram in audientiam appellarunt] ut ipse clericus postmodum super prefatis decimis et alijs rebus dampnatis et injurias inferre presumsit Ideoque discretioni vestre per apostolica scripta mandamus quatinus partibus convocatis et auditis hinc inde propositis quod canonicum fuerit appellatione postposita statuatis faci entes quod statueritis per censuram ecclesiasticam firmiter observari et reducentes in statum debitum quicquid post appellationem ad nos legitime interpositam inveneritis illicite acceptatum Testes autem qui fuerint nominati si se gratia odio vel timore subtraxerint cogatis censura simili appellatione cessante veritati testimonium perhibere nullis literis veritati et justicie prejudicantibus a sede apostolica impetratis Quod si non omnes hijs exequendis potueritis interesse duo vestrum ea nihilominus exequantur Datum Lateran quinto idus Junij pontificatus nostri anno xiiij