Charter Document - 07301037
| Charter Number: | 07301037 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1219 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Honorius episcopus servus servorum Dei venerabili fratri episcopo Brechinensi et dilectis filijs priori de Restinouth et decano de Forfar dioecesis sancti Andree salutem et apostolicam benedictionem Willelmo rectore ecclesie de Golyn accepimus conquerente quod priorissa et moniales de Suthberwyk Cisterciensis ordinis et quidam alij dioecesis sancti Andree super capella de Dirltoun decimis et rebus alijs ad ecclesiam suam de Golyn de jure spectantibus injuriantur eidem Quocirca discretioni vestre per apostolica scripta mandamus quatinus partibus convocatis audiatis causam et appellatione remota sine debito terminetis facientes quod decreveritis per censuram ecclesiasticam firmiter observari Testes autem qui fuerint vocati si se gracia odio vel timore subtraxerint per censuram eandem appellatione cessante cogatis veritati testimonium perhibere et si non omnes hijs exequendis potueritis interesse tu ea frater Episcope cum eorum altero nihilominus exequaris Datum ratum Reate quarto Kalendas Octobris pontificatus nostri anno quarto