Charter Document - 07221007
| Charter Number: | 07221007 |
|---|---|
| Cartulary Title: | Registrum Episcopatus Aberdonensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1210 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Innocencius episcopus seruus seruorum Dei dilectis filijs de Melros et de Driburch abbatibus sancti Andree et Glasguensis dioeceseos et archidiacono Glasguensi Venerabilis fratris nostri sancti Andree episcopi suscepimus querimoniam quod kildei quidam qui se canonicos gerunt et quidam alij Aberdonensis dioeceseos infra villam de Monimuske pertinentem ad ipsum quandam canonicam regularem eodem renitente contra justitiam construere non formidant in ecclesie sue preiudicium et grauamen Quocirca discretioni vestre per apostolica scripta mandamus quatenus partibus conuocatis et auditis hinc inde propositis quod canonicum fuerit appellatione postposita statuatis facientes quod statueritis per censuram ecclesiasticam firmiter obseruari testes vero qui fuerint vocandi si se gracia odio vel timore subtraxerint per districtionem eandem appellatione remota cogatis veritati testimonium perhibere nullis literis veritati et iusticie preiudicantibus a sede apostolica impetratis quod si non omnes hijs exequendis potueritis interesse duo vestrum ea nihilominus exequantur Datum Laterani decimo Kalendas Aprilis anno pontificatus nostri xiii