Charter Document - 07021707
| Charter Number: | 07021707 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1267 |
| Date type: | Internal, A.D., Feast |
| Resource Link(s): |
Borthwick Institute - Register 2 (f97r) Reference Document for this Embedded Document |
Charter:
Cum a vobis pater reverende domine Ebor archiepiscope ego Johannes de Steyngreve clericus alias appellassem in hac forma coram vobis pater reverende domine archiepiscope Ebor ego Johannes de Steyngreve clericus sentiens me gravatum indebite eo quod me non vocato nec confesso nec convicto nec resignante nec presente nec per contumaciam absente ecclesiam meam de Steyngreve magistro G de Cumb clerico vestro contulistis in mei prejudicium maximum et gravamen non modicum presentiam domini legati et in ipsius defectu Sedem Apostolicam a vobis in scriptis appello ac Apostolos peto cum effectu supponendo me et omnia bona mea mobilia et immobilia jurisdictioni et tuitioni domini pape et domini legati ne vos vel aliquis nomine vestro in me vel bona mea mobilia seu immobilia vel aliquem ex meis suspensionis excommunicationis seu interdicti [sententiam] fulminet is seu alias quoquomodo gravare indebite presumatis Actum apud Kawode in crastino Sancti Leonardi anno gratia MCCLX septimo