Charter Document - 06503106
| Charter Number: | 06503106 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
British Library - Cotton MS Nero D I (f107v) |
Charter:
Innocentius episcopus [] venerabilibus fratribus Lincolniensi Wigorniensi et Londoniensi episcopis salutem et Apostolicam benedictionem Cum dilectus filius Johannes vester et aliorum prelatorum et clericorum provincie Cantuariensis procurator commune omnium vestrum persequendo negotium gravia subierit onera expensarum ac ob hoc multis debitis obligatus duo milia marcarum preter illa quatuor milia in quibus nobis ex parte vestra servivit et pro quibus colligendis alia scripta dirigimus receperit mutuo de nostra licentia speciali fraternitati vestre per Apostolica scripta mandamus quatinus predicta duo milia per omnes ecclesias non exemptas ejusdem provincie civitatis et dioecesis Cantuariensis ecclesiis ac proventibus archiepiscopalibus duntaxat exceptis equaliter consideratis singularum facultatibus partientes ipsas earumque personas ad solvendum quod eis imposueritis per vos et alios quos ad id colligendum deputandos duxeritis per censuram ecclesiasticam appellationibus postpositis compellatis non obstante si aliquibus de partibus illis quod excommunicari suspendi interdici aut compelli ad aliquam provisionem non valeant a sede Apostolica sibi [sit] indultum et universis privilegiis indulgentiis vel literis Apostolicis generalibus vel specialibus sub quacunque verborum forma optentis et optinendis et quibuslibet aliis per que id impediri vel differri valeat et de quibus specialem et expressam fieri oporteat in presentibus mentionem et constitutione de duabus dictis edita in concilio generali Datum Perusii nonis Junii Pontificatus nostri anno nono
Source (click image below to view full size)
