Charter Document - 06501096

Noverint universi quod cum nos B[onefacius] Dei gratia Cantuariensis archiepiscopus totius Anglie primas Cantuariensi et Rofensi civitatibus et dioecesibus visitatis venerabilem fratrem nostrum Londonie episcopum visitassemus descendimus ad visitandum capitulum cathedralis ecclesie Sancti Pauli Londonie Et monuimus viva voce ac per alios fecimus sepius ammoneri decanum et capitulum predicte cathedralis ecclesie Sancti Pauli ut nos tanquam metropolitanum suum secundum formam a jure traditam ad exercendum visitationis officium in eorum ecclesia admitterent reverenter Quod ipsi decanus et capitulum facere inhumaniter denegarunt affirmantes viva voce coram nobis quod nullatenus nos reciperent ad predictum Notandum visitationis officium exercendum et tenentes clausa ostia chori atque capituli ubi volebamus proponere verbum Dei manifeste impediverunt nos verbo et facto ne possemus ibidem officii nostri debitum exercere Et quamdiu in corpora ipsius ecclesie Sancti Pauli fuimus presentes divine laudis organa pro sue voluntatis libitu suspenderunt in manifestam injuriam et grave prejudicium Cantuariensis ecclesie ac animarum periculum et scandalum plurimorum Nos igitur offensam hujusmodi manifestam nolumus sicut nec debemus relinquere impunitam ne ceteri exemplo similem assumant audaciam resistendi premissa competenti monitione quia nos ab exercendo visitationis officio tam temere et inhumaniter repulerunt nec nobis super hoc parere et satisfacere curaverunt Henricum decanum Petrum archidiaconum Robertum cantorem Londoniensem magistrum Guillelmum de Lichefelde Willelmum Lafeite et Robertum dictum Monachum canonicos Londonienses qui irreverenter se opponebant et presentes aderant et quos in hujusmodi contumaci rebellione et contradictione evidenter nobis constabat esse culpabiles auctoritate omnipotentis Dei et beatorum Apostolorum Petri et Pauli et beatissimi patroni nostri Sancti Thome martiris gloriosi in scriptis excommunicamus et excommunicatos fore publice nuntiamus Actum Londoniis in predicta ecclesia Sancti Pauli die Martis post Ascensionem Domini anno Ejusdem MCCL