Charter Document - 06500096
| Charter Number: | 06500096 |
|---|---|
| Cartulary Title: | Cartulary of St. Albans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Calendar, Papal |
| Resource Link(s): |
Embedded Document British Library - Cotton MS Nero D I (f101r) |
Charter:
Innocentius episcopus servus servorum Dei dilectis filiis de Sancto Albano et de Wautham abbatibus et archidiacono Sancti Albani Lincolniensis et Londoniensis dioecesum salutem et Apostolicam benedictionem Ex parte dilectorum filiorum Henrici decani Petri archidiaconi Roberti cantoris magistri Willelmi de Lichefeld Guillelmi dicti Lafaite et Roberti dicti Monachi canonicorum Londoniensium fuit propositum coram nobis quod cum venerabilis frater noster Cantuariensis archiepiscopus ad Londoniensem ecclesiam impensurus in ea visitationis officium accessisset capitulo ejusdem proponente ecclesie se ac ecclesiam suam ab ipsius jurisdictione liberos et immunes ac ideo eundem archiepiscopum ad visitandum admittere sibique procurationis prestare obsequium recusante idem archiepiscopus in personas eorum ob hujusmodi ejusdem capituli delictum excommunicationis sententiam auctoritate propria promulgavit quam ipsi nuntiari nullam humiliter petierunt Ad quod memoratus archiepiscopus ex adverso respondit quod non ob capituli sed predictorum decani et aliorum delictum eandem in eos sententiam protulisset Ipsius autem sententie forma in nostra et fratrum nostrorum audientia lecta fuit cujus tenorem presentibus inseri fecimus ad cautelam Qui talis est [] Auditis igitur et plenius intellectis que a partibus fuere proposita hinc inde nos premisse verba sententie perspicaci discretionis examine ponderantes ac volentes super hoc prolixe concertationis materiam que in utriusque partis protelaretur dispendium remedio salubris compendii removere de predictorum fratrum consilio pronuntiando decrevimus predictam sententiam quatenus in predictos Henricum decanum Petrum archidiaconum Robertum cantorem et alios canonicos Londonienses propter delictum memorati capituli noscitur promulgata nullam penitus extitisse ipsosque per eam aliquo vinculo non teneri nec per denuntiationem ipsius notandos esse aliquatenus vel vitandos Super eo vero quod idem proponit archiepiscopus se in eos propter delictum ipsorum dictam sententiam protulisse ipsum sicut de jure fuerit audiemus Ideoque discrescioni vestre per Apostolica scripta mandamus quatenus predicte sententie denuntiationes quas ut dicitur contra prefatos decanum et alios fieri facit archiepiscopus supradictus quatenus in predictos canonicos Londonienses ob delictum capituli est prolata faciatis omnino cassare contradictores auctoritate nostra appellatione postposita compescendo Quod si non omnes his exequendis poteritis interesse duo vestrum nihilominus exequantur Datum Lugduni quinto kalendas Octobris pontificatus nostri anno octavo
Source (click image below to view full size)
Markups
Names Markup:
Innocentius episcopus servus servorum Dei dilectis filiis de Sancto Albano et de Wautham abbatibus et archidiacono Sancti Albani Lincolniensis et Londoniensis dioecesum salutem et Apostolicam benedictionem Ex parte dilectorum filiorum Henrici decani Petri archidiaconi Roberti cantoris magistri Willelmi de Lichefeld Guillelmi dicti Lafaite et Roberti dicti Monachi canonicorum Londoniensium fuit propositum coram nobis quod cum venerabilis frater noster Cantuariensis archiepiscopus ad Londoniensem ecclesiam impensurus in ea visitationis officium accessisset capitulo ejusdem proponente ecclesie se ac ecclesiam suam ab ipsius jurisdictione liberos et immunes ac ideo eundem archiepiscopum ad visitandum admittere sibique procurationis prestare obsequium recusante idem archiepiscopus in personas eorum ob hujusmodi ejusdem capituli delictum excommunicationis sententiam auctoritate propria promulgavit quam ipsi nuntiari nullam humiliter petierunt Ad quod memoratus archiepiscopus ex adverso respondit quod non ob capituli sed predictorum decani et aliorum delictum eandem in eos sententiam protulisset Ipsius autem sententie forma in nostra et fratrum nostrorum audientia lecta fuit cujus tenorem presentibus inseri fecimus ad cautelam Qui talis est []embed Auditis igitur et plenius intellectis que a partibus fuere proposita hinc inde nos premisse verba sententie perspicaci discretionis examine ponderantes ac volentes super hoc prolixe concertationis materiam que in utriusque partis protelaretur dispendium remedio salubris compendii removere de predictorum fratrum consilio pronuntiando decrevimus predictam sententiam quatenus in predictos Henricum decanum Petrum archidiaconum Robertum cantorem et alios canonicos Londonienses propter delictum memorati capituli noscitur promulgata nullam penitus extitisse ipsosque per eam aliquo vinculo non teneri nec per denuntiationem ipsius notandos esse aliquatenus vel vitandos Super eo vero quod idem proponit archiepiscopus se in eos propter delictum ipsorum dictam sententiam protulisse ipsum sicut de jure fuerit audiemus Ideoque discrescioni vestre per Apostolica scripta mandamus quatenus predicte sententie denuntiationes quas ut dicitur contra prefatos decanum et alios fieri facit archiepiscopus supradictus quatenus in predictos canonicos Londonienses ob delictum capituli est prolata faciatis omnino cassare contradictores auctoritate nostra appellatione postposita compescendo Quod si non omnes his exequendis poteritis interesse duo vestrum nihilominus exequantur Datum Lugduni quinto kalendas Octobris pontificatus nostri anno octavo