Charter Document - 06501071

Reverendo in Christo patri ac domino R[oberto] Dei gratia Lincolniensi episcopo et discreto viro officiali suo J[ohannes] Sarracenus subdiaconus et capellanus domini pape decanus Wellensis et B[erardus] de Nimpha scriptor ejusdem domini cum sincera dilectione salutem Noveritis nos post diversa mandata sedis Apostolice que ad nos et alios prelatos regni Anglie hactenus emanarunt super redemptione votorum et aliis in eodem regno nobili viro domino R[icardo] comiti Cornubie a prefata sede concessis quorum copiam et tenorem sub sigillis nostris vobis jam ab olim transmissum penes vos esse novimus suscepisse nuper mandatum Apostolicum sub hac forma [] Cum igitur si filii obedientie prout debemus inveniri volumus parendi nobis incumbat necessitas et refragando audacia prebeatur maxime cum preter id quod prefate sedi tenemur ad obedientiam specialem tam mandatum regium quam assidua postulatio predicti domini comitis ad consummationem et accelerationem predicti negotii nos coarctent attendentes insuper quod per ordinarios locorum potest consultius et salubrius absque scandalo et strepitu circa premissa cum optata celeritate procedi nos providimus de prudentum consilio et juxta ejusdem comitis affectum in partem hujus oneris et sollicitudinis evocare ut per opem et adjectionem consilii plurium que super premissis agenda sunt sic rite ac prudenter Deo auctore procedant quod apud summum Pontificem inobedientia nobis non noceat nec apud prefatum dominum comitem neglectus accuset quare discrecioni vestre cum reverentia vestra in virtute obedientie qua injungitur nobis injungimus et sub pena interdicti qua fungimur in hac parte auctoritate districte precipimus quatinus citetis peremptorie omnes archidiaconos et officiales eorum civitatis et dioecesis Lincolniensis necnon archidiaconos monasteriorum exemptorum et non exemptorum ejusdem civitatis et dioecesis quod personaliter compareant coram nobis in ecclesia Sancti Martini magni Londoniis die Lune proxima post Assumptionem beate Marie nuper venturam facturi circa premissorum executionem quod per ejusdem regni prelatos ordinatum est et provisum pro certo scientes quod quantumcunque vobis et vestris deferre velimus contra rebelles tamen et resistentes quantum de jure licuerit et poterimus procedemus vos autem tam de citatione facta quam de nominibus citatorum nos per latorem presentium literis vestris patentibus certificare curetis provisuri ut alter vestrum cui fuerit hoc primo mandatum oblatum illud non expectato reliquo sine dilatione qualibet exequatur Datum anno gratie MCCXLVII ii nonas Junii