Charter Document - 06461161

Venerabili in Christo patri [] dei gracia episcopo Dunolmensi vel eius vicario in spiritualibus Berengarius miseracione divina episcopus Tusculanus salutem et fraternam in domino caritatem Ex parte religiosorum virorum [] prioris et conventus Monasterii Dunolmensis nobis oblata peticio continebat quod vos olim in nonnullos obedienciarios officiarios et in quosdam singulares dicti Monasterii monachos pro eo quod vestris non paruerunt preceptis monitis et mandatis ac aliis quibuscumque certis de causis excommunicacionis sentenciam promulgastis et ipsi alias diversas sentences diversorum legatorum delegatorum [et] sub delegatorum sedis apostolice incurrerunt specialiter et generaliter promulgatas et sic ligati quidam ex ipsis tamquam simplices et iuris ignari in locis ecclesiasticis suppositis interdicto divina celebrarunt officia quidam ordines receperunt ministraverunt in ipsis et alias non tamen in contemptum clavium inmiscuerunt temere se divinis super quibus supplicari fecerunt humiliter eis per sedem apostolicam misericorditer provideri Nos igitur ipsorum supplicacionibus quantum cum deo possumus in hac parte favorabiliter annuentes auctoritate domini pape cuius penitenciarie curam gerimus providencie vestre committimus quatinus fratrem Thomam de Castro tunc subpriorem Ricardum de Kellaw tercium priorem Walterum de Eggesclyve precentorem Rogerum de Stanhoppe celerarium Thomam de Hessewelle terrarium Thomam de Aldewod camerarium Johannem de Castrobernardi et Galfridum de Burdon monachos et omnes alios eiusdem Monasterii monachos quos in vestras generales sentencias legatorum delegatorum subdelegatorum sedis apostolice et aliorum quorumcumque eciam speciales dum tamen eorum iurisdiccio expirarit inveneritis incidisse ab excessu interdicti ecclesiastici violati iuxta formam ecclesie absolvatis Vobis nihilominus auctoritate committentes eadem quatinus postquam a dictis specialibus sentenciis fuerint absoluti iniuncta cuilibet eorum super hiis pro culpe modo penitencia salutari et aliis que de iure fuerint iniungenda quodque si quibus premissorum racione vel alias ad satisfaccionem tenentur satisfaciant competenter et in similibus decetero non excedant set interdicto durante huiusmodi illud inviolabiliter observabunt demum suffragantibus eis meritis et alio canonico non obstante super irregularitate ex premissis contracta et ipsorum ordinum execucione cum ipsis auctoritate predicta misericorditer dispensetis Dat Malausen Vasyon dyoecesis v Id Augusti pontificatus domini Clementis pape quinti anno quinto