Charter Document - 06460161

In Dei Nomine Amen Per presens publicum instrumentum cunctis fiat manifestum quod anno ab incarnacione domini secundum cursum et computacionem ecclesie Anglicane Millesimo Trecentesimo decimo indiccione nona mense Septembri die vicesima octava in presencia mei notarii publici infrascripti et testium subscriptorum exhibitis coram venerabili patre domino Antonio permissione divina Dunolmensi episcopo litteris venerabilis patris domini Berengarii episcopi Tusculani domini pape penitenciarii quas vidi ipsius sigillo pendente cera rubea patenter consignatas non abolitas non cancellatas nec in aliqua sui parte viciatos neque corruptas set tam in scriptura quam sigillo integras atque sanas et omni suspeccione carentes quarum tenor talis est [] Religiosi viri dominus Willelmus de Tanfeld prior Henricus de Staunford supprior Thomas de Castro Walterus de Eggesclyve Nicholaus de Routhebyri Rogerus de Scolacley Willelmus de Gyseburn Galfridus de Burdon Thomas de Aluirton Robertus de Dunolmo Johannes de Castrobernardi Henricus de Castro Gilbertus de Ellewyk Willelmus de Dunolmo Alanus de Marton Johannes de Seton Rogerus de Stanhoppe Michael de Chilton Thomas de Rillington Willelmus de Eggesclyve Thomas de Aldewode Thomas de Hessewell Johannes de Aluerton Ricardus de Aselakeby Johannes de Haxeby Petrus de Hilton Johannes de Houeden Johannes de Derlington Johannes Luterell Willelmus de Killingworth Willelmus de Eboraco et Johannes de Hwyteby monachi ecclesie Dunolmensis coram dicto domino Patriarcha Episcopo personaliter constituti omnes et singuli flexis genibus devote instanter et humiliter petiverunt offensam si quam dictus pater contra eos vel eorum aliquos vel aliquem conceperat quacumque occasione sibi graciose remitti et quia bonarum mencium est timere culpam ubi culpa non est postularunt humiliter ipsos et eorum quemlibet a sentenciis suspensionum et excommunicationum si aliquibus per dictum patrem seu eius auctoritate necnon a sentenciis excommunicationum quorumcumque legatorum delegatorum et sub delegatorum sedis apostolice generaliter vel specialiter promulgatis si aliquibus eorum auctoritate quacumque de causa fuerant involuti absolvi et ipsas sentencias penitus relaxari Qua peticione exaudita idem dominus Patriarcha Episcopus omnem offensam huiusmodi remittens totaliter et simpliciter eisdem recepto ab ipsis omnibus et singulis de stando et parendo iuri iuramento dictas suspensionum et excommunicacionum sentencias si que late fuerunt contra eos quatenus processerant penitus relaxavit et ipsos priorem et monachos omnes et singulos ab ipsis sentences si eis vel earum aliqua ligati extiterant in forma absolvit consueta Idemque pater iniuncta eorum cuilibet penitencia salutari asserens ex humilitate et devocione eorundem necnon ex causis aliis sibi constare ipsis et eorum singulis merita suffragari nec aliquid canonicum obsistere in hoc facto cum ipsis et eorum quolibet si quam irregularitatem ipsi vel eorum aliquis ex causis suprascriptis quomodo libet incurrerant seu incurrerat auctoritate predicta misericorditer dispensavit Acta fuerunt hec in camera venerabilis patris et domini domini Dunolmensis Episcopi sepe dicti infra Castrum suum Dunolmi situata anno indiccione mense et die suprascriptis presentibus venerabili in Christo patre domino Thoma dei gracia Candide Case Episcopo reverendisque et discretis viris domino Stephano de Maulay archidiacono Clyvelandie magistris Ricardo de Morpath tunc Officiali Dunolmensi et Johanne de Insula rectore ecclesie de Boldon ac dominis Rogero de Waltham canonico London et Johanne de Denton prebendario in ecclesia de Cestria testibus ad premissa vocatis specialiter et rogatis Et ego Robertus Ade de Derlington Dunolmensis dyoecesis clericus publicus auctoritate imperiali notarius prefatis peticioni absolucioni et restitucioni ac omnibus et singulis premissis dum agerentur prout supra scribuntur sic factis una cum testibus antedictis presens interfui et ea sic fieri vidi pariter et audivi dictamque commissionem palpavi legi et inspexi ac in forma prescripta transcripsi et exemplavit nichil addens vel minuens quod sensum mutet aut minuat intellectum publicavi et in hanc publicam formam redegi signoque meo consueto et nomine signavi rogatus in testimonium omnium premissorum