Charter Document - 06371442
| Charter Number: | 06371442 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1235 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Ego primus dux Britannie comes Richemontus et ego Johannes filius ejus notum facimus universis presentes litteras inspecturis quod cum Johannes filius meus duceret in uxorem Blancham filiam nobilis viri Theobaldi Dei gratia regis Navarre Campanie et Brie comitis palatini dictus Johannes filius meus dotavit eam de tertia parte terre sue Britannie et de medietate terre quam teneo in regno Francie et in comitatu Campanie post decessum meum et de castro de Fara sito infra portum de Fara de hiis conventionibus tenendis requiremus bona fide dominam nostram comitissam Drocarum quod litteras suas patentes tradat domino regi Navarre de eo quod pertinet ad feodum suum de rebus predictis et si ipsa nollet facere hoc pro nobis faceremus pro posse nostro quod Johannes filius ejus super hoc litteras suas patentes daret regi predicto quando veniret ad etatem Hec autem omnia supradicta juravimus fideliter adimplere et quia ego Johannes sigillum non habebam rogavi patrem meum ut pro se et pro me presentes litteras sigillo suo roboraret Actum apud Castrum Theodorici anno Domini millesimo ducentesimo tricesimo quinto die mercurii post festum beati Laurentii