Charter Document - 06300053

Nos Guillermus Prior et conuentus sancti Synphoriani Eduensis Notum facimus presentibus et futuris Quod ad remouendum scandalum quod erat in Ecclesia nostra de anniuersariis illorum faciendis qui pro remedio anime sue et pro anniuersariis suis singulis annis in Ecclesia nostra celebrandis nobis et Ecclesie nostre suas helemosinas erogauerant et ut saluti animarum eorum consuleremus de ipsis anniuersariis sic in Capitulo [n]ostro fratribus nostris conuocatis dignum duximus ordinandum Quod Nos Guillermus Prior dedimus et assedimus et etiam tradidimus prefato conuentui nostro vigenti Librata[s] reddituum ad Diuionem quas predictus conuentus annuatim percipiet in viginti quatuor sestariis siliginis et in sexaginta solidis diuionensium quos uiginti quatuo[r] sestarios et sexaginta solidos ipsi conuentui persoluere tenebitur quicumque erit Curatus Ecclesie de Anox et cum hiis dicto conuentui tradidimus Octo se[s]tarios siliginis [et] Quindecim solidos diuionensium quos Octo sestarios [et] quindecim solidos Curatus de Maour debet Ecclesie nostre censuales preterea dedimus ipsi conuentui ceram quam habemus in dicta Ecclesia de Maour censualem et dictus conuentus sibi de candelis de cera quotienscumque sine priore comedet tenetur prouidere Et sciendum quod dictus conuentus propter hoc anniuersaria pro quibus redditus siti sunt Ecclesie nostre siue helemosinas a fidelibus recepimus solum tenetur ce[l]ebrare de aliis uero anniuersariis de quibus Ecclesie nostre redditus non sunt siti uel que anniuersaria in Ecclesia concedente domino nobis statuentur Ordinauimus in hunc modum quod Prior sancti Synphoriani tertiam partem ipsorum reddituum recipiet et habebit et conuentus duas partes ita quod pro illis duabus partibus anniuersaria tenetur celebrare de denariis quoque qui nobis prouenient Occasione beneficii deffunctorum undecumque proueniant sic ordinauimus quod nos et quicumque erit Prior sancti Synphoriani habebimus medietatem et aliam medietatem percipiet et habebit [i]ntegre conuentus supradictus Et sciendum quod dicto conuentui tenemur nos et quicumque erit Prior sancti Synphoriani ministrare suum integrum generale de Ouis Caseis uel carnibus prout Tenpus exiget non obstantibus viginti Libratis reddituum supradictis denariis prefatis et anniuersariis pro quibus deo dante nobis et Ecclesie nostre siue elemosine siue redditus concedentur preterea obmittendum non est quod nos et quicunque erit Prior sancti Synphoriani nichil poterimus in dictis viginti Libratis reddituum neque in medietate dictorum denariorum neque jn duabus partibus reddituum prefatorum preter illa que premissa sunt reclamare sed cedent usibus et utilitati conuentus supradicti Hec autem omnia prout superius sunt expressa Nos Guillermus et conuentus noster sacrosanctis tactis Euuangeliis Iurauimus nos efficaciter et in perpetuum seruaturos Si uer[o] nos Guillermus uel aliquis successorum nostrorum contra hec que premissa sunt uel eorum aliqua ueniret conuentus prefatus per juramentum suum quod super hoc [p]restitit de consensu nostro pariter et mandato ecclesiam non intraret quousque super hiis prefato conuentui esset plenarie satisfactum Et hec omnia fecimus ne deffuncti uel illi qui decessuri sunt suis debitis exequiis in ecclesia nostra defraudentur nec conuentus noster per juramentum suum quod super hec prestitit cuiquam successorum nostrorum obedientiam faciet donec idem successor noster se omnia que premissa sunt seruaturum Jurauerit In Cuius re[i] Testimonium presentibus litteris sigillum nostrum duximus apponendum Actum anno domini Millesimo ducentesimo quadragesimo Nono die sabbati post fe[s]tum Resurrectionis domini