Charter Document - 06300038
| Charter Number: | 06300038 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1213 |
| Date type: | Internal, A.D. |
| Resource Link(s): |
Embedded Document |
Charter:
Nos Magister Martinus et Iohannes Flauiniaci et belnensis archidiaconi et Bartholomeus archipresbiter et Willermus de Losiaco canonicus Eduensis Notum facimus uniuersis presentes litteras inspecturis Quod cum controuersia multis ante actis temporibus super stagno de paium inter ecclesiam Sancti Symphoriani Eduensis et hugonem Maiorem de Curgeio et super etiam quibusdam terris fuerit agitata Tandem in nostrum arbitrium ab utraque Parte fuit compromissum fide interposita quod ipsi starent dispositioni quamcumque uellemus facere de querelis suis siue arbitrari uallato insuper arbitrio datis fideiussoribus sub pena sexaginta librarum a parte que resiliret ab arbitrio persoluandarum Parti aduerse arbitrio pariture Et ut compositio siue arbitrium seu dispositio quam facturi eramus firmius seruaretur Iacoba abbatissa Sancti Andochii Eduensis cuius maior dictus est seruiens et casatus litteras suas patentes fecit de rati habitione compositionis antedicte quas nos inspeximus diligenter quarum tenor talis est [] Igitur premissis rite actis ut diximus ita duximus ordinandum Stagnum de Paium quiete et sine contradictione et reclamatione aliqua erit imperpetuum Ecclesie Sancti Symphoriani Eduensis et terrula que est subter stagnum ita quod neque maior uel eius heredes sed neque homines de uilla adiacente que dicitur Breiches nullum usuagium habebunt ibidem preter hoc quod animalia greges pecora poterunt adaquare et abluenda abluere ex parte ripe que respicit partem suam linum uel canabem in aqua ponere uel piscari pede uel nauigio uel aliquid facere quod sit ad dampnum stagni aliquatenus non licebit Pastura erit communis citra stagnum et ultra animalibus hominum de Paium et animalibus de grangia de Paium et hominibus de uilla adiacente [] Ecclesia Sancti Symphoriani est et erit in possessione cuiusdam terre quam eadem dicit se habere ex donatione huonis quondam militis de Edua salua questione proprie[ta]tis cum maior prefatus mouere uoluerit questionem Querela autem de terra que est desuper stagnum per priorem Guidonem et Maiorem secundum metas antiquitus positas terminabitur bona fide Qui si discordauerint nobis mediantibus finem debitum sortietur Nos autem propter hec uolumus sepefato Maiori dari de bonis Sancti Symphoriani uiginti quinque libras diuionensis Monete Hec omnia laudauerunt Prior et Capitulum Sancti Symphoriani hugo Maior et Renauda uxor eius Willermus hugo Galterus Girardus filii sui et helisabeth uxor Willermi Vt autem hec inuiolabiliter obseruentur ad Peticionem utriusque partis presenti scripto Sigillorum nostrorum apposuimus firmamentum Actum Anno gratie Millesimo ducentesimo decimo tertio
Markups
Names Markup:
Nos Magister Martinus et Iohannes Flauiniaci et belnensis archidiaconi et Bartholomeus archipresbiter et Willermus de Losiaco canonicus Eduensis Notum facimus uniuersis presentes litteras inspecturis Quod cum controuersia multis ante actis temporibus super stagno de paium inter ecclesiam Sancti Symphoriani Eduensis et hugonem Maiorem de Curgeio et super etiam quibusdam terris fuerit agitata Tandem in nostrum arbitrium ab utraque Parte fuit compromissum fide interposita quod ipsi starent dispositioni quamcumque uellemus facere de querelis suis siue arbitrari uallato insuper arbitrio datis fideiussoribus sub pena sexaginta librarum a parte que resiliret ab arbitrio persoluandarum Parti aduerse arbitrio pariture Et ut compositio siue arbitrium seu dispositio quam facturi eramus firmius seruaretur Iacoba abbatissa Sancti Andochii Eduensis cuius maior dictus est seruiens et casatus litteras suas patentes fecit de rati habitione compositionis antedicte quas nos inspeximus diligenter quarum tenor talis est []embed Igitur premissis rite actis ut diximus ita duximus ordinandum Stagnum de Paium quiete et sine contradictione et reclamatione aliqua erit imperpetuum Ecclesie Sancti Symphoriani Eduensis et terrula que est subter stagnum ita quod neque maior uel eius heredes sed neque homines de uilla adiacente que dicitur Breiches nullum usuagium habebunt ibidem preter hoc quod animalia greges pecora poterunt adaquare et abluenda abluere ex parte ripe que respicit partem suam linum uel canabem in aqua ponere uel piscari pede uel nauigio uel aliquid facere quod sit ad dampnum stagni aliquatenus non licebit Pastura erit communis citra stagnum et ultra animalibus hominum de Paium et animalibus de grangia de Paium et hominibus de uilla adiacente [] Ecclesia Sancti Symphoriani est et erit in possessione cuiusdam terre quam eadem dicit se habere ex donatione huonis quondam militis de Edua salua questione proprie[ta]tis cum maior prefatus mouere uoluerit questionem Querela autem de terra que est desuper stagnum per priorem Guidonem et Maiorem secundum metas antiquitus positas terminabitur bona fide Qui si discordauerint nobis mediantibus finem debitum sortietur Nos autem propter hec uolumus sepefato Maiori dari de bonis Sancti Symphoriani uiginti quinque libras diuionensis Monete Hec omnia laudauerunt Prior et Capitulum Sancti Symphoriani hugo Maior et Renauda uxor eius Willermus hugo Galterus Girardus filii sui et helisabeth uxor Willermi Vt autem hec inuiolabiliter obseruentur ad Peticionem utriusque partis presenti scripto Sigillorum nostrorum apposuimus firmamentum Actum Anno gratie Millesimo ducentesimo decimo tertio