Charter Document - 06231014
| Charter Number: | 06231014 |
|---|---|
| Cartulary Title: | Memorials of the Abbey of St. Mary of Fountains |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1210 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius Episcopus servus servorum Dei dilectis filiis [] Decano [] Subdiacono et Cancellario Lincolniensi salutem et apostolicam benedictionem Cum dilecti filii abbates et Conventus Cisterciensis ordinis in Anglia constituti propter abundantissimam apostolice sedis obedientiam graves sustineant augustias et jacturas decet nos salubriter providere ne afflictio superaddatur afflictis Inde est quod discretioni vestre presentium auctoritate precipiendo mandamus quatinus hoc tempore supersedeatis negotio super quo [] Rector et fratres hospitalis sancti Petri Eboracensis contra dilectos filios [] Abbatem et Conventum de Fontibus et quosdam alios ordinis memorati Eboracensis diocesis ad vos nostras litteras impetrarunt maxime cum jam per quatuor annus easdem suppresserint impetrantes Cum autem tempestas ecclesie cessaverit Anglicane si super negotio memorato duxerint litigandum partes ad nostram presentiam transmittatis ut hujusmodi questio per nos concordia vel judicio terminetur Siquid autem super hoc interim est temere attemptatum illud in statum debitum revocetis Datum Laterani iiij Kalendas Novembris Pontificatus nostri anno tertio decimo
Source (click image below to view full size)
