Charter Document - 06191010
| Charter Number: | 06191010 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1219 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document People of Medieval Scotland |
Charter:
Honorius episcopus servus servorum Dei venerabili fratri Waltero Glasguensi episcopo et dilectis filiis de Melros et Kelcou Abbatibus salutem et apostolicam benedictionem Carissimus in Christo filius Alexander rex Scotie illustris ac tu frater Episcope vestris nobis litteris supplicastis ut cum dilecti filii Prior et conventus de Passelet ex defectu abbatis cui professionem facere possint regularem animarum pericula dissolutionem ordinis et rerum patiantur gravia detrimenta providere ipsis super hoc paterna sollicitudine dignaremur Cum igitur instantia nostra quotidiana sit omnium ecclesiarum sollicitudo continua dicti Regis atque tuis frater Episcope qui loci dioecesanus existis necnon ipsorum Prioris et conventus postulationibus inclinati vobis per apostolica scripta mandamus quatinus si veritas premissis suffragatur eis auctoritate nostra sine juris prejudicio alieni facultatem concedatis sibi providendi de cetero per canonicam electionem de persona ydonea in abbatem Quod si non omnes hiis exequendis potueritis interesse tu frater Episcope cum eorum altero ea nihilominus exequaris Datum Reate Idus Julii pontificatus nostri anno tertio
Source (click image below to view full size)
