Charter Document - 06182008
| Charter Number: | 06182008 |
|---|---|
| Cartulary Title: | Remarks on some Early Charters and Documents |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1470 |
| Date type: | Assigned |
| Resource Link(s): |
Reference Document for this Embedded Document |
Charter:
In Dei nomine amen ego Domina Cristina Edwyk priorissa monasterii Beate Marie Virginie Sanctique Johannis Evangeliste ordinis Sancti Augustini de Canonleghe Exoniensis diocesis vice mea ac aliarum concanonicorum et consororum mearum omnium et singularum hic presentium ac de mandato speciali michi facto eciam ab eisdem universos et singulos excommunicatos et suspensos vel interdictos necnon alios quoscumque hic presentes qui de jure aut consuetudine in presenti electionis negocio non deberent interesse moneo quatinus ab hac domo nostra capitulari recedent Nosque ad quas jus pertinet eligendi ad electionem libere procedere paciantur Protestans in hiis scriptis vice mea et aliarum omnium predictarum consororum mearum quod non est intencionis nostre aut alicujus nostrum cum ipsis aut ipsorum aliqua in hoc electionis negocio procedere seu quanquam eligere cum eisdem sed quod voces et vota eorundem nulli prestent suffragium nec alicui afferant nocumentum quinimmo pro non datis et receptis habeantur []
Source (click image below to view full size)
