Charter Document - 06180008

Reverendo in Christo patri et domino Domino Johanni Dei gratia Exoniensi episcopo ipsiusve vicario in spiritualibus generali commissario ejusve locum in hac parte tenenti cuicumque sue humiles et devote in Christo filie Cristina Edwyke priorissa claustralis monasterii beate Marie Virginia Sanctique Johannis Evangeliste de Canonleghe ordinis sancti Augustini Exoniensis dioecesos et ejusdem loci conventus obedientiam et reverenciam tanto patri debitis cum honore Reverende nostre paternitati ac omnibus quorum interest vel intererit in hac parte quomodo libet in futurum notum facimus per presentes quod prefato monasterio nostro nuper vacante atque abbatisse et patriciis solacio destituto per mortem bone memorie Johanne Arundelle ultima abbatisse dicti monasterii qua [prout placuit Deo] die dominica videlicet decimo septimo die mensis Februarii anno Domini millesimo quadringentesimo septuagesimo diem suum clausit extremum ac die Jovis proximo ex tunc sequenti videlicet vicesimo primo die ejusdem mensis Februarii ipsius corpore prout decuit ecclesiastice tradito sepulture Petita insuper ut moris est ex parte nostra licencia pariter et obtenta a prenobili et prepotenti viro domino Ricardo comite Warr et Sarr ipsius monasterii patrono et fundatore procedendi ad novam electionem abbatissa ibidem faciendam ne ipsum monasterium nostrum incommoda diucius deploraret ego Cristina Edwyk priorissa antedicta ac presidens capituli ipso monasterio sic vacante die Sabbati post festum Sancti Gregorii Pape videlicet decimo septimo die mensis Marcii una cum consororibus infrascriptis tunc ibidem presentibus intravimus domum capitularem ejusdem monasterii ac licentia dicti patroni ostensa lecta et declarata primitus per me coram eisdem videlicet coram domina Johanna Brydham celeraria Domina Alicia Ayshforde sub priorissa Domina Johanna Cave Domina Agnete Yerde sacrista Domina Agnete William firmaria Domina Alicia Parker tercia priorissa Domina Florencia Carewe secunda cantrice Domina Johanna Seynt Tabyn Domina Johanna Stappe expresse Sorore Radegunda Stapulhille Amea Clyftone et Agnete Stone canonicis et consororibus in dicto monasterio regulam et ordinem Sancti Augustini tacite professis simul et capitulariter congregatis do speciali mandato et expresso consensu ipsarum omnium et singularum con sororum Pro me dicta Cristina et dictis meis consororibus diem Jovis proximum ex tunc sequentem videlicet vicesimum primum diem mensis Marcii ad electionem future abbatisse monasterii nostri predicti in dicto domo capitulari faciendam seu celebrandam cum continuatione et prorogatione dierum tunc immediate sequentium quousque electio hujusmodi fuerit celebrata Nobismet ipsis et nostrum singulis ac cuilibet de dicto conventu seu aliunde vocem in hujusmodi electione habentibus necnon ad omnia alia et singula exercenda et expedienda que ipsius electionis negocium et nos concernere in ea parte poterant vel debuerant assignavimus limitavimus assumpsimus statuimus et prefiximus tunc ibidem Decrevimus eciam tunc ibidem de consensu omnium et singularum con sororum tunc presencium Dominam Aliciam Ayshbury ejusdem domus precentricem ordinem et regulam Sancti Augustini expresse professam sed tunc absentem et quadam gravi egritudine in firmet orio detentam fore citandam ad interessendum die et loco prefixis una cum aliis et consenciendum in negocio eleccionis hujusmodi si voluerit et valuerit commode interesse Quo die Jovis veniente videlicet vicesimo primo die mensis Marcii antedicti missaque de Spiritu Sancto ad summum altare ejusdem monasterii solempniter celebrata ac demum convenientibus in simul ad sonum campane Mary vulgariter nuncupate et capitulariter congregatis in domo nostra capitulari predicta pro hujusmodi electione celebranda Nobis Cristina priorissa Johanna Brydham Alicia Ayshforde Agnete Yerde Agnete Wylyham Alicia Parker Florencia Carew Johanna Seynt Tabyn Johanna Stappe Radegunda Stapulhille Amea Clyftone et Agnete Stone personaliter Johanna Cave et Alicia Ayshbury in firmitorio gravi egritudine detentis per me dictam priorissam earum procuratricem rite et sufficienter ordinatam ac proposito verbo Dei per venerabilem virum magistrum Nicholaum Gosse in sacra theologia bacallarium cujus thema Unanimes estote prima Petri tercio et Spiritus Sancti gracia invocata per decantacionem impne Angelici Veni Creatus Spiritus solempniter decantati ac constitutionibus Quia propter et indemnitatibus per discretum virum magistrum Owynum Lloid legum doctorem summarie declaratis in vulgari Post licenciam ejusdem domini Ricardi comitis Warr et Sar patroni publice et aperte perlectam declaratam et repetitam nobis elegendi ibidem futuram abbatissam per eundem concessam cujus licentie tenor patet in hec verba [] Ego Cristina priorissa antedicta vice mea et omnium mearum con sororum ac de earum mandate et expresso consensu in vulgari juxta juris peritorum consilium quasdam monitiones et protestationes foci in scriptis in hec verba [] Qua quidem protestatione premissa exclusisque laicis quibuscumque ac secularibus exceptis notario et testibus infrascriptis qui pro regimine directione et testimonio negocii electionis nostre hujusmodi fuerant evocati Ac demum nobis super forma procedendi aliqualiter tractantibus Ego statim Priorissa protuli hec verba [] Cui omnes et singule consorores illicio et repente et quasi per inspirationem [Alicia Parker concanonica et consorore nostra predicta dumtaxat excepta] idem unanimiter dixerunt unde incontinenter ego prenominata Cristina priorissa predicta vice mea et omnium consororum mearum ac de earum speciali mandato et expresso consensu eandem Aliciam Parker elego in communi mulierem itaque providam et discretam experientia regularis discipline preditam vita moribus et conversacione merito commendendam in etate legittima constitutam et de legittimo matrimonio procreatam atque in ordine religione et regula Sancti Augustini in dicto monasterio expresse professam necnon in spiritualibus et temporalibus plurimum circumspectam Cui nichil obstare speratur de canonicis institutis quominus ipsius monasterii regimen canonice valeat obtinere et ipsam electionem ibidem publicavi Qua electione sic celebrata prefata electa sic presens seorsum ad quendam angulum ejusdem domus capitularis se ammovit et divertit Et statim et consequenter per me dictam Cristinam priorissam antedictam ac procuratorem et nunciam specialem a toto conventu in hac parte sufficienter deputatam idem conventus prefatam electionem dicta con sorori nostre Alicie Parker sic electe fecerunt presentari Necnon ipsam ad consenciendum hujusmodi electionem de se facte suppliciter requiri Ipsa vero consoror Alicia Parker electa nostra primo resistens tandem grates reddens Deo suisque electri cibus multiformes post modicam deliberationem habitam divine nolens ut asseruit resistere voluntati nec suarum con canonicarum communi et concordi electioni contradicere annuit votis earum [et] electioni hujusmodi consensit in hec verba [] Quo habito psalmo Te Deum laudamus solempniter decantato cum solemni campanarum pulsacione dictam electam nostram inter duas sorores ante summum altare ecclesia nostre conventualis memorate nobis omnibus processione aliter ordinate in sequentibus introduximus qua prostrata in oratione et psalmo totaliter decantato ac quadam oratione congruente super eandem electam dicta statim ipsa electio per dictum venerabilem virum magistrum Nicholaum Gosse de speciali mandate immo verius devota supplicatione mei priorissa et tocius conventus [dicta electa dumtaxat excepta] multis convicinis ac extraneis in multitudine copiosa presentibus infra ecclesiam conventualem dicti monasterii alta et intelligibili voce electionem hujusmodi aperte publicari fecimus et coram omnibus declarari Qua publicatio ab omnibus tunc presentibus erat pacifice audita et gratanter accepta Reverende igitur paternitati vestre antedicte vestrisve commissariis quibuscumque in hac parte legitime constitutis vel constituendis humiliter et devote voto unanimi supplicamus quatinus eandem electionem nostram vi et Spiritus Sancti gracia tam solempniter quam concorditer celebratam per vos aut vestros commissarios confirmare ac eidem electe nostre munus benedictionis impendere cetera in hac parte necessaria ac eciam oportuna que vestro in hac parte incumbunt officio pastorali favorabiliter impartiri facere graciose dignemini ut Deo auctore eadem electa nobis et ecclesia nostre predicte sub paternitatis vestra presidio abbatissa et pastrix ydonea preesse valeat utiliter et prodesse Nosque sub ipsius felici regimine possimus coram Deo salubriter militare Ceterum ut vestra reverenda paternitas noscat evidencius premissa rei geste veritatem habere votaque omnium nostrorum ut prefertur in premissis omnibus et singulis concordasse ac in hujusmodi supplicatione et requisitione nos unanimiter convenisse vobis vestrisque commissariis quibuscunque in hac parte deputatis sive deputandis presens nostre electionis decretum transmisimus Quod per Nicholaum Crese clericum Exoniensis dioecesios notarium auctoritate apostolica publicum dicteque electionis et in eadem actorum scribam exinde fieri subscribique et publicari ac in hanc publicam formam redigi ejusque signi appositione et nostri sigilli communis appensione mandavimus et fecimus fideliter communiri in testimonium et idem omnium premissorum Datum quoad presens decreti nostri consignationem apud Canonleghe in domo nostra capitulari predicta vicesimo secundo die mensis Marcii prelibati anno domini supradicto Acta sunt hec prout supra scribuntur et recitantur mensibus diebus loco et anno domini supradictis Indictione quarta Pontificatus sanctissimi in Christo patris et domini nostri Domini Pauli divina providentia Papa Secundi anno septimo presentibus in singulis actis atque gestis dicto die vicesimo primo mensis Marcii prelibati anno domini supradicto venerabilibus et discretis viris magistris Johanne Pascawyn sacra theologie professore Jolianne Perys rectore ecclesia parochialis de Uffeculme Domino Thoma Harry vicario de Burlyscombe et Nicholao Prous litterato testibus ad premissa vocatis specialiter et rogatis Et ego Nicholaus Crese clericus Exoniensis diocesis publicus auctoritate Apostolica notarius prefatis misse de Spiritu Sancto supradicto vicesimo primo die mensis Marcii ad majus altare monasterii de Canonleghe predicti celebrationi verbique Dei propositioni et ympni Veni Creator Spiritus in domo capitulari dicti monasterii decantationi dictarumque constitutionum declarationi monitionibus et protestationibus per prefatam Cristinam Edwyk priorissam predictam factis dicteque Alicie Parker sororis solemni et in communi electioni necnon ejusdem electionis predicte electe in domo capitulari dicti monasterii per priorissam predictam presentationi et consensus requisitioni ac postmodum prelibate elector huic electioni de ipsa celebrate consensus prestationi Psalmi Te Deum laudamus decantatione ipsiusque electe ad summum altare ecclesie conventualis dicti monasterii inter duas sorores introductioni ac prefate electionis clero et populo publicatione ceterisque omnibus et singulis dum sic ut permittitur prefato vicesimo primo die Marcii agerentur et fierent una cum testibus superius designatis sub anno Domini indictione pontificatu et mense quibus supra personaliter interfui eaque omnia et singula sic fieri vidi et audivi variis aliunde occupatus negociis per alium scribi feci et in hanc publicam formam redegi ac presenti publico instrumento signum meum apposui consuetum et hic me subscripsi de mandate tam ipsius electe quam eligencium requisitus et rogatus in testimonium premissorum