Charter Document - 06101207

Joannes Dei gratia rex Anglie dominus Hibernie dux Normannie et Aquitanie et comes Andegavie archiepiscopis episcopis comitibus baronibus et militibus ballivis et omnibus has litteras visuris salutem et apostolicam benedictionem Quoniam inter nos et venerabiles patres nostros Stephanum Cantuariensem archiepiscopum totius Anglie primatem et Sancte Romane Ecclesie cardinalem Willelmum Londoniensem Eustachium Elyensem Egidium Herefordiensem Jocelinum Bathoniensem et Glastoniensem et Hugonem Lincolniensem episcopos super damnis et ablatis eorum tempore interdicti per Dei gratiam de mera et libera voluntate utriusque partis plene convenit volumus nos non solum eis quantum secundum Deum possumus satisfacere verum etiam toti Ecclesie Anglicane salubriter et utiliter in perpetuum providere Inde est quod qualiscunque consuetudo temporibus nostris et predecessorum nostrorum hactenus in Ecclesia Anglicana fuerit observata et qui quid juris nobis hactenus in electionibus quorumcunque prelatorum nos ad ipsorum petitionem pro salute anime nostre et predecessorum ac successorum nostrorum regum Anglie liberaliter et spontanea voluntate de communi consensu baronum nostrorum concessimus et constituimus et hac presenti charta nostra confirmavimus ut de cetero in universis et singulis ecclesiis et monasteriis cathedralibus et conventualibus totius regni Anglie libere sint in perpetuum electiones quorumcunque prelatorum majorum et minorum salva nobis et heredibus nostris custodia ecclesiarum et monasteriorum vacantium que ad nos pertinent Promittimus etiam quod nec impedimus nec impediri permittemus per nostros nec procurabimus quin in singulis et universis ecclesiis et monasteriis memoratis postquam vacaverint prelature quandocunque voluerint libere sibi preficiant electores pastorem petita tamen prius nobis et heredibus nostris licentia eligendi quam non de negabimus nec differemus Et si forte quod absit denegaremus vel differremus nihilominus procedent electores ad electionem canonicam faciendam et similiter post celebratam electionem noster requiratur assensus quem non de negabimus nisi aliquid rationabile probaverimus et legitime probaverimus propter quod non debeamus consentire Quare volumus et firmiter jubemus ne quis vacantibus ecclesiis vel monasteriis contra hanc nostram concessionem et constitutionem in aliquo veniat vel venire presumat Si quis vero contra hoc aliquo unquam tempore veniret maledictionem omnipotentis Dei et nostram incurrat