Charter Document - 05921042
| Charter Number: | 05921042 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1290 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Universis sancte Matris Ecclesie filiis presentes literas inspecturis Nicholaus Longespee Rector Ecclesie de Lacock Sarum Dyoecesis salutem in Domino Ad universitatis vestre notitiam tenore presentium volo pervenire quod cum suscitata esset querela inter me et religiosas dominas dominam Julianam Dei gratia Abbatissam Monasterii de Lacock et ejus Conventum super tertia parte decimarum garbarum de dominico suo provenientium videlicet de terris hiis que jacent in le Hinhoc in Weteleye in le Langeley Suthbiria in Asseleye in le Inlonde super Cockeleye et in Monlesham quas infra limites Parochie mee de Lacock percipiunt et se percipere debere dicunt Abbatissa et Conventus supradicte de dono venerabilis domine domine Ele Longespee Comitisse Sarum matris mee predicti Monasterii Fundatrices Hec tandem ad perpetue pacis fundamentum compositio inter nos amicabilis intercessit viz quod ego quam tenuis et exilis sit earum porcio decimarum predictarum quas sine gravi detrimento predicte Ecclesie de Lacock percipere possunt et habere quamque jugis et intenta sit earum devocio apud Deum devote perpendens de voluntate et assensu expresso Reverendi Patris domini Willelmi Dei gratia Sarum Episcopi ac venerabilium dominorum Symonis Decani et Capituli Sarum pro me et successoribus meis sponte pure et absolute concedo ut dictum Monasterium de Lacock et Sanctimoniales ibidem Deo servientes et futuris temporibus serviture habeant percipiant et in perpetuum possideant integre pacifice et inconcusse tertiam partem decimarum predictarum de supradicto dominico suo proveniencium sicut a tempore fundacionis sue perceperunt et percipiunt in presenti Renuncians simpliciter pro me et successoribus meis omni exactioni prosecutioni et juri quod michi et eisdem competunt in hac parte vel in futurum competere possunt quoquo modo In cujus rei testimonium presens scriptum sigilli mei impressione munivi Hujus rei sunt testes Dominus Johannes de Schryvenham vicarius perpetuus de Lacock Willelmus de Wollesleye vicarius de Kalne Johannes vicarius de Canyngg Benedictus de Lincoln clericus Willielmus scriptor Johannes de Herterigg Lambertus de Roscumbe Nicholaus de Rudham et plures alii Datum apud Kalne tertio nonas Septembris anno Domini MCC nonagesimo
Source (click image below to view full size)
