Charter Document - 05920010
| Charter Number: | 05920010 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1229 |
| Date type: | Internal, Calendar, Episcopal |
| Resource Link(s): |
Embedded Document |
Charter:
Universis sancte Matris Ecclesie filiis ad quos presens scriptum pervenerit Robertus miseratione divina Sarisburiensis Ecclesie minister humilis salutem eternam in Domino Cartam dilecte in Christo filie nobilis Ele Comitisse Sarum inspeximus in hec verba [] Quamobrem ex commissa nobis cura pastoralis officii eorum vota divinitus inspirata quorum per cotidianam instantiam solicitudinem gerimus tenemur ex justitie debito et ex gratie beneficio paterna diligentia promovere quod dicta nobilis in hac parte tam salubri consilio providit affectione sincera prosequendum duximus et favore Nolentes quod tam pii tam sancti propositi consummatio retardetur per quod et cultus Dei crescere et ecclesie decor per Spiritus Sancti gratiam magnifice poterit dilatari Habito igitur cum dilectis filiis Capituli super hiis cum debita deliberatione tractatu inspecto etiam cyrographo inter Comitissam predictam et Johannem ecclesie de Lacok Rectorem de indempnitate Ecclesie memorate confecto pulsati insuper devotis supplicationibus W Longespeye ejusdem Comitisse filii et heredis de voluntate gratissima et assensu unanimi dilectorum in Christo filiorum ac fratrum nostrorum dictorum W Decani et Capituli Sarum ob honorem et reverentiam Dei et gloriose genetricis sue semperque virginis Marie et ad cultum ampliandum divinum auctoritate pontificali concedimus quod predicta Ela Comitissa abbathiam fundet et construat in manerio supradicto de Lacok ac moniales de ordine Sancti Augustini ibidem constituat statuentes ut quecumque fuerint ibi pro tempore constitute ejusdem Sancti regulam similiter et ordinem exerceant et in perpetuum imitentur et Ecclesie Sarum et nobis nostrisque successoribus per omnia et in omnibus canonice perpetuis temporibus sint subjecte Salva etiam indempnitate per omnia sancte Matris ecclesie sicut in memorato cyrographo continetur quod quidem in suo robore in perpetuum statuimus duraturum Quod ut robur optineat perpetue firmitatis presens scriptum sigillo nostro et sigillo capituli nostri fecimus communiri Dat apud Remmesberiam per manum W de Purl clerici nostri xii kal Maii pontificatus nostri anno primo Hiis Testibus Domino W Decano R Precentore R Cancellario et E Thesaurario Sarum Magistris W Archidiacono Berkesire H Teysson R de Cnoshal Thoma de Ebelesborn et W de Len Gilberto de Stapelbrig et P Picot cantore Sarum magistris Thoma de Warwick et Johanne de Bermingham clericis nostris Waltero et Ricardo capellanis nostris et multis aliis
Source (click image below to view full size)
Markups
Names Markup:
Universis sancte Matris Ecclesie filiis ad quos presens scriptum pervenerit Robertus miseratione divina Sarisburiensis Ecclesie minister humilis salutem eternam in Domino Cartam dilecte in Christo filie nobilis Ele Comitisse Sarum inspeximus in hec verba []embed Quamobrem ex commissa nobis cura pastoralis officii eorum vota divinitus inspirata quorum per cotidianam instantiam solicitudinem gerimus tenemur ex justitie debito et ex gratie beneficio paterna diligentia promovere quod dicta nobilis in hac parte tam salubri consilio providit affectione sincera prosequendum duximus et favore Nolentes quod tam pii tam sancti propositi consummatio retardetur per quod et cultus Dei crescere et ecclesie decor per Spiritus Sancti gratiam magnifice poterit dilatari Habito igitur cum dilectis filiis Capituli super hiis cum debita deliberatione tractatu inspecto etiam cyrographo inter Comitissam predictam et Johannem ecclesie de Lacok Rectorem de indempnitate Ecclesie memorate confecto pulsati insuper devotis supplicationibus W Longespeye ejusdem Comitisse filii et heredis de voluntate gratissima et assensu unanimi dilectorum in Christo filiorum ac fratrum nostrorum dictorum W Decani et Capituli Sarum ob honorem et reverentiam Dei et gloriose genetricis sue semperque virginis Marie et ad cultum ampliandum divinum auctoritate pontificali concedimus quod predicta Ela Comitissa abbathiam fundet et construat in manerio supradicto de Lacok ac moniales de ordine Sancti Augustini ibidem constituat statuentes ut quecumque fuerint ibi pro tempore constitute ejusdem Sancti regulam similiter et ordinem exerceant et in perpetuum imitentur et Ecclesie Sarum et nobis nostrisque successoribus per omnia et in omnibus canonice perpetuis temporibus sint subjecte Salva etiam indempnitate per omnia sancte Matris ecclesie sicut in memorato cyrographo continetur quod quidem in suo robore in perpetuum statuimus duraturum Quod ut robur optineat perpetue firmitatis presens scriptum sigillo nostro et sigillo capituli nostri fecimus communiri Dat apud Remmesberiam per manum W de Purl clerici nostri xii kal Maii pontificatus nostri anno primo Hiis Testibus Domino W Decano R Precentore R Cancellario et E Thesaurario Sarum Magistris W Archidiacono Berkesire H Teysson R de Cnoshal Thoma de Ebelesborn et W de Len Gilberto de Stapelbrig et P Picot cantore Sarum magistris Thoma de Warwick et Johanne de Bermingham clericis nostris Waltero et Ricardo capellanis nostris et multis aliis