Charter Document - 05920003
| Charter Number: | 05920003 |
|---|---|
| Cartulary Title: | Annals and Antiquities of Lacock Abbey |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1229 - 1231 |
| Date type: | Assigned |
| Resource Link(s): |
Reference Document for this Embedded Document Reference Document for this Embedded Document Reference Document for this Embedded Document |
Charter:
Sciant presentes et futuri quod ego Ela Comitissa Sarum pro Deo et pro anima Comitis Willielmi Longespe mariti mei et omnium antecessorum suorum et meorum et pro salute mea et Willielmi Longespeie filii mei primogeniti et omnium aliorum liberorum meorum et heredum meorum in viduitate et ligia potestate mea dedi et concessi et presenti carta mea confirmavi Deo et beate Marie et sancto Bernardo Manerium meum de Lacock cum advocatione Ecclesie ejusdem manerii et cum omnibus pertinentiis suis et libertatibus et liberis consuetudinibus in omnibus locis et in omnibus rebus sine aliquo retinemento ad faciendam ibidem Abbathiam monialium quam volo nominari locum beate Marie Quare volo ut Abbatisse et moniales ibidem Deo imperpetuum serviture habeant et teneant totum predictum Manerium cum pertinentiis suis in liberam puram et perpetuam elemosinam solutum penitus et quietum ab omni seculari servicio pertinente ad dominum Regem et Ballivos suos et ad me et ad heredes meos et ab omni modo servicii et exactionis quocumque casu possit exigi de terra illa Et ego Ela et heredes mei warantizabimus defendemus et acquietabimus prefatis monialibus totum prefatum manerium cum advocacatione Ecclesie et omnibus aliis pertinenciis suis ita liberum et quietum sicut aliqua elemosina liberius dari potest versus omnes homines et feminas imperpetuum Hiis testibus Huberto de Burgo comite Cancie Justiciario Anglie Willielmo Marescallo comite Pembroke Willielmo de Warrene comite Surreye Petro filio Herberti Hugone de Nevile Radulfo filio Nicholai senescallo Domini Regis Johanne Daco Henrico de Albenaco et multis aliis
Source (click image below to view full size)
