Charter Document - 05477932

In nomine Patris et Filii et Spiritus Sancti Amen Omnibus Christi fidelibus ad quos presens scriptura pervenerit Philippus de Kayrwent prior monasterii Beati Petri Gloucestrie et ejusdem loci capitulum seu conventus salutem in Auctore salutis Ecclesia nostra Gloucestrie per mortem bone memorie Reginaldi de Hamme nuper abbatis nostri pastoris solatio destituta ac corpore ipsius tradito sepulture convenientes in capitulo nostro omnes qui tunc temporis presentes fuimus tractavimus de die electionis futuri abbatis faciende statuentesque diem ad eligendum diem videlicet Dominicam proximam post festum Sancti Michaelis omnium assensu monachorum tunc presentium concurrente fratres et con monachos nostros absentes qui ad eamdem electionem vocari debuerunt juxta juris formam et ecclesie seu monasterii nostri consuetudinem ad eundem diem per litteras et nuncium fecimus evocari quo die adveniente presentibus omnibus in capitulo nostro qui debuerunt secundum consuetudinem antedictam voluerunt et potuerunt commode interesse invocata Spiritus Sancti gratia lectaque constitutione generalis concilii quapropter placuit omnibus et singulis per viam procedere compromissi Et ita electi fuerunt quinque de capitulo fide digni scilicet Thomas de Lokintone sacrista Johannes de Worme dictus prior de Bromfelde Henricus de Wiggemore dictus prior de Ewenny Willelmus de Schrivenham dictus prior de Kilpeke et Thomas de Tyringham dictus prior de Stanleya fratres et monachi monasterii nostri quibus unanimiter potestatem contulimus ut omnes vel major pars eorum per electionem dummodo de gremio monasterii antedicti providerent viduate ecclesie de abbate promittentes quod illum reciperemus in abbatem quem omnes vel major pars predictorum ex se vel ex aliis de ipsius ecclesie gremio eligerent Predicti vero compromissarius habito super hoc diligenti tractatu unanimi consensu vice nostra et sua elegerunt concorditer fratrem Johannem de Gamages priorem Herefordie in abbatem monasterii Beati Petri Gloucestrie virum scilicet religiosum litteratum honestum in spiritualibus et temporalibus circumspectum valentem et scientem ecclesie nostre jura tueri Cui electioni tam nos Philippus prior et capitulum seu conventus quam idem electus consensum prestitimus et assensum Quam electionem frater Thomas de Tyringham dictus prior de Stanleya unus ex compromissarius antedictis de mandato sociorum suorum fecit in scriptis vice omnium per hec verba []