Charter Document - 05470932

In nomine Patris et Filii et Spiritus Sancti Amen Omnibus Christi fidelibus ad quos presens scriptura pervenerit frater Philippus de Kayrwent prior monasterii Sancti Petri Gloucestrie et ejusdem loci capitulum seu conventus salutem in Auctore salutis Ecclesia nostra Gloucestrie per mortem bone memorie Reginaldi de Hamme nuper abbatis nostri pastoris solatio destituta ac ipsius corpore tradito sepulture convenientes in capitulo nostro omnes qui debuerunt secundum juris exigentiam et ecclesie seu monasterii nostri consuetudinem voluerunt et potuerunt commode interesse tractavimus de die electionis faciende de futuro abbate statuentesque diem ad eligendum diem videlicet Dominicam proximam post festum Sancti Michaelis anno Domini millesimo ducentesimo octogesimo quarto omnium assensu monachorum presentium concurrente quo die adveniente presentibus omnibus in nostro capitulo qui debuerunt secundum juris exigentiam et consuetudinem antedictam voluerunt et potuerunt commode interesse invocata Sancti Spiritus gratia lectaque constitutione generalis concilii quapropter placuit omnibus et singulis per viam procedere compromissi Et ita electi fuerunt quinque de capitulo nostro fide digni videlicet Thomas de Lokinthone sacrista Johannes de Worme dictus prior de Bromfelde Henricus de Wiggemore dictus prior de Ewenny Willelmus de Schrivenham dictus prior de Kilpek Thomas de Tyringham dictus prior de Stanleya fratres et monachi monasterii nostri quibus unanimiter potestatem contulimus ut omnes vel major pars eorum per electionem dummodo de gremio monasterii antedicti providerent viduate ecclesie de abbate fideliter promittentes quod illum reciperemus in abbatem quem omnes vel major pars eorum ex se vel ex aliis de ipsius ecclesie gremio eligerent Predicti vero compromissarii habito super hoc diligenti tractatu consensu unanimi vice nostra et sua elegerunt concorditer fratrem Johannem de Gamages nostrum conmonachum priorem Herefordie in abbatem monasterii Beati Petri Gloucestrie virum scilicet religiosum litteratum honestum in spiritualibus et temporalibus circumspectum valentem et scientem ecclesie nostre jura tueri Cui electioni nos Philippus prior et capitulum sive conventus predicti consensum prestitimus et assensum Quam electionem frater Thomas de Tyringham dictus prior de Stanleya unus ex compromissarius antedictis de mandato sociorum suorum fecit in scriptis vice omnium per hec verba [] In quorum testimonium presens decretum electionis nostre subscriptionibus priorum et monachorum et impressione sigilli nostri communis fecimus roborari Actum in capitulo monasterii Beati Petri Gloucestrie die Dominica proxima post festum Sancti Michaelis anno gratie millesimo ducentesimo octogesimo quarto [E]go Philippus prior huic electioni consentio et ascribo [E]go Thomas prior de Stanleya huic electioni interfui vidi consensi et subscripsi [E]go Henricus prior de Ewenny huic electioni interfui consensi et subscripsit pro me Thomas de Stanleya prior [E]go Hugo subprior huic electioni consentio et subscribo Item nos J[ohannes] prior de Bromfelde H precentor Thomas tertius prior Willelmus prior de Kilpeke Thomas de Lokintone sacrista R[icardus] prior de Ewias H[enrici] prior de Oxonia Walterus de Thaneworthe Willelmus de Londonia R de Kayrwent Thomas de Estintone R de Codeleye Willelmus de Sancto Johanne H de Bromfelde Gilbertus de la Berewe Johannes de Wychio N de Monemuta Johannes de Helion Johannes de Dormintone N de Thaneworthe Thomas de Leche N de Lanthoral H de Bernwode Walterus de Dodeforde Johannes de Actone G de Driffelde Johannes de Monemuta R de Temedeburia Thomas Carbonel Manselmus Willelmus de Monemuta Johannes de Sarum Johannes de Dukestone Johannes de Felda Johannes de Hyda Stephanus de Bruneshope Hugo de Matheme Johannes Toky Johannes Thoney Willelmus de Wormbrugge Willelmus de Fontaynes Johannes de Evesham Walterus de Avenechurche Philippus Wyther Johannes Revel huic electioni interfuimus consensimus nostro nomine subscribi