Charter Document - 05400383

Noverint universi quod inter nos B abbatem Beati Benedicti Floriacensis et conventum ejusdem ecclesie ac dominum Anselmum de Botainviler militem quondam majorem nostrum de Merovilla super quitatione dicte majorie talis ordinatio intervenit videlicet quod dictus Anselmus et I uxor ac filii et filie eorumdem dictam majoriam nobis et ecclesie nostre quittaverunt in perpetuum a nobis pacifice possidendam ac dicte majorie proventus et redditus scilicet redecimam spilones et graspiliones terratas duos pastus ad duas ventilationes sibi et toti familie persolvendos insuper quadraginta sol par in nostra tallia omnes etiam emendas usque ad quinque solidos districta submonitiones revestimenta nonagia trituratores et omnem omnino justiciam et omnia alia quacumque occasione dicte majorie tam super homines nostros quam in grangia et in tota terra nostra et tota parrochia de Merovilla quocumque modo percipere poterant vel debebant furnum preterea et molendinum que in dicta villa de Merovilla supradicti habebant nobis et ecclesie nostre in perpetuum quitaverunt et etiam concesserunt quod ipsi vel heredes eorum vel homines vel hospites eorumdem in tota parrochia de Merovilla ullo unquam tempore neque furnum neque molendinum construere poterunt excepto furno de Arrableto in quo homines vel hospites dictorum A et I et heredum ipsorum coquere poterunt nulli vero alii in eodem furne coquere poterunt nisi de nostra licencia vel permissu excepto etiam quod dicti A et I et heredes eorum infra clausuram herbergagii sui de Merovilla furnum facere poterunt ad coquendos panes proprios qui in domo sua expendentur et neque suos homines vel hospites neque alios quoscumque ibidem recipient ad coquendum Item concesserunt predicti quod tam nos quam prior noster de Stampis in quacumque platea ville de Merovilla in terra nostra grangiam et herbergagium facere voluerimus ab omni tensamento exactione et consuetudine qualibet libera et quieta construere valeamus Nos vero in recompensationem tam quitationum quam concessionum predictarum concessimus predictis A et I et heredibus eorum totam terram arabilem que in parrochia de Merovilla ad prioratum nostrum de Stampis pertinebat ab eisdem in perpetuum pacifice possidendam dictis etiam A et I dedimus sexviginti libras parisiensium pro quitatione furni et molendini superius expressorum Concessimus etiam eisdem ut predictam terram et herhergagium suum de Merovilla et vineas et totum gaanagium suum quod tunc temporis iidem habebant et feoda que ab eisdem in dicta parrochia de Merovilla tenentur insuper et omnes paleas forragia fabagia omnium nostrarum decimarum et campipartium exceptis duabus postatis forragii quas cum viciis et forragio viciarum et leguminibus nobis retinemus forragia etiam pisorum et lenticularum si ad grangiam nostram deducta fuerint que tamen ex necessitate ad dictam grangiam non differentur homines etiam et hospites eorumdem et omnia quecumque dicti A et I in parrochia de Merovilla tunc temporis possidebant excepto tensamento in feodum ligium a nobis teneant in futurum salva fidelitate domini regis et aliorum dominorum quos ante istas conventiones habebant Segetes vero nostre tam decimarum quam campipartium nostrarum omnium ad nostram grangiam de Merovilla deferentur et infra diem Cinerum triturabuntur Trituratores etiam segetum nostrarum prout segetes fuerint triturate quandocumque voluerint paleas et omnia forragia in curiam grangie nostre projicient et dicti A et I et heredes eorum ea tenentur asportare et de hiis sic curiam grangie nostre liberare tenentur quod trituratores nostri non impediantur Serviens vero noster vel etiam servientes si plures fuerint cui vel quibus grangie nostre custodiam deputabimus dictis A et I et heredibus eorum jurabunt quod forragia et alia supradicta que in grangia nostra percipere debent fideliter conservabunt Sciendum insuper quod de omnibus terris et vineis supradictis que a nobis dicti A et I tenent in feodum ligium ut superius est expressum omnem decimam nobis et ecclesie nostre reddere tenebuntur Has autem concessiones et quitationes dicti A et I uxor ejus ac omnes filii et filie eorumdem qui ad annos discretionis pervenerant juramento corporaliter prestito firmaverunt se in omnibus fideliter servaturos Ne igitur super premissis dissensio oriatur vel de cetero aliquid immutetur ad preces et instantiam partium nos V abbas Sancti Evurcii et L decanus et J cantor et A archidiaconus Aurelianensis presentibus litteris sigilla nostra duximus apponenda Actum anno Domini MCC vicesimo primo