Charter Document - 05361020

In nomine sancti et jndiuidue trinitatis patris et filii et spiritus sancti amen Cum propter delictum primi parentis generis humani successio quelibet sit transitoria et mortalis sit certius morte nichil tamen incertius hora mortis jdcirco ego Stephanus Fremieti de Diuione burgensis per dei gratiam sanus mente licet infirmus corpore timens propter mundi pericula que cothidie eminent et eminere possunt per casus fortuitos ne decedam intestatus volens et cupiens dictam horam mortis [preuenire et anime mee operibus] misericordie de salubri remedio prouidere testamentum meum seu meam vltimam voluntatem et reuocans omne aliud testamentum seu omnem aliam vltimam voluntatem si quod vel quam alias vnquam feci de me rebus et bonis meis michi a deo collatis facio dispono et ordino prout hic inferius declarabitur In primis autem cum tantum tria habeam videlicet animam corpus et res et adigniori sit incohandum primo et principaliter animam meam signo venerabilis crucis proposito recommendo nunc et imperpetuum altissimo creatori ut ipsam ad eum qui eam creauit reuertatur sepulturam veo corporis mei eligo in ecclesia monasterii saneti Stephani de dicto Diuione et ibidem volo corpus meum humo tradi Item pro fouea mea facienda et pulsatoribus dimidium francum do et lego illis qui dictam foueam facient et pulsabunt distribuendum heredes meos instituo et ordino omnes illos et illas qui tam de jure quam consuetudine michi successuri sunt ab intestato clamores vero debita et forefacta mea legitime probatos et probata volo pacificari reddi et solui per manus executorum meorum quos hic inferius nominabo Item curato sancti Medardi de dicto Diuione pro jure suo quinque francos auri semel do et lego Item clerico dicte ecclesie beati Medardi pro septem psalmis ac orationibus dicendis pro remedio anime mee sex grossos turonenses argenti semel do et lego Item do et lego priori et conuenturi dicti monasterii sancti Stephani pro duobus anniuersariis in ecclesia dicti monasterii pro remedio anime mee parentum antecessorum meorum annuatim celebrandis tres florenos Florencie auri boni et justi ponderis annui et perpetui redditus seu census In quibus tribus florenis annui et perpetui redditus michi tenetur anno quolibet Johannes dictus Quien de Bar de Diuione prout clarius apparet et apparebat per litteras quas penes me habeo et eas volo eisdem priori et conuentui tradi et deliberari quorum duorum anniuersariorum primus anno quolibet die martis post ottabas diei dominice bordarum et secundus die Jouis post mediam quadragesimam in dicta ecclesia dicti monasterii celebrabuntur Item predictis priori et conuentui dicti monasterii prima die obitus mei pro pictancia quinque francos auri do et lego Item eisdem pro tertia die obitus mei pro pictancia duos francos auri do et lego Item eisdem pro septima tricesima et annuali diebus obitus mei pro qualibet die vnum francum auri do et lego Item conuentui Fratrum Predicatorum de dicta Diuione pro missis et orationibus pro remedio anime mee parentum et antecessorum meorum per vnum diem et annum celebrandis quatuor caudas vini boni et puri semel do et lego Item conuentui ordinis Fratrum Minorum de dicto Diuione similiter pro missis et orationibus et pro remedio anime mee parentum et antecessorum meorum per vnum diem et annum celebrandis tres caudas vini boni et puri semel do et lego Item Hospitali beate beate Marie de Diuione pro pictancia pauperum ipsius hospitalis vnum francum auri semel do et lego Item hospitali Sancti Spiritus loci pro pictancia pauperum ipsius hospitalis vnum francum auri semel do et lego Item hospitali sancti Fiacrii dicti loci pro pictancia pauperum sex grossos turonenses argenti semel do et lego Item hospitali sancti Benigni de Diuione pro pictancia pauperum sex grossos turonenses argenti semel do et lego Item hospitali beate Marie Magdalene dicti loci pro pictancia pauperum ipsius hospitalis sex grossos turonenses argenti semel do et lego Item hospitali Capelle Diuitum de Diuione pro pictancia pauperum ipsius hospitalis sex grossos turonenses semel do et lego Item hospitali sancti Anthonii de Ponte Norgiarum pro pictancia pauperum ipsius hospitalis vnum francum semel do et lego Item tresdecim pauperibus mulieribus viduis videlicet cuilibet earum duos grossos turonenses semel do et lego Item tresdecim pauperibus mulieribus in puerpero jacentibus videlicet cuilibet earum duos grossos turonenses argenti semel do et lego Item filio Johannis Roigeot filiolo meo vnum francum auri semel do et lego Item Stephano filio Johanneti le Peletier filiolo meo vnum francum auri semel do et lego Item filio Johanneti recoopertorium filiolo meo vnum francum auri semel do et lego Item filio Johannis de Geureyo filiolo meo vnum francum auri semel do et lego Item Guillemete de Auona vnum modium vini boni et puri et vnum bichetum bladi semel do et lego Item Odete de Aureliana Diuione commoranti vnum francum auri semel do et lego Item Johannete ancille dicte Guillemete de Auona sex grossos turonenses argenti semel do et lego Item Marie filie Guidonis le Juif de Diuione carnificis quinque francos auri semel do et lego Item religioso viro fratri Guidoni de Maures ordinis fratrum predicatorum de Diuione pro visitatione quam michi fecit infirmitate mea durante et ante duos francos auri semel do et lego Item do dimicto et lego viginti quinque francos auri boni et justi ponderis eugni domini nostri regis Francie pro remedio anime mee parentum et antecessorum meorum ad respectum et ordinacionem executorum meorum infrascriptorum prout sibi visum fuerit expedire distribuendos et collocandos Item fabrice ecclesie parrochialis beati Medardi de dicta Diuione vnum francum auri semel do et lego Item Jacobo apothecario de Diuione tres francos auri cugni et ponderis predictorum semel do et lego Item dicto conuentui fratrum predicatorum de Dyuione prima die obitus mei causa processionis sue dicta prima die obitus mei facienda vnum francum auri semel do et lego Item conuentui predicto Fratrum Minorum dicti loci causa predicta vnum francum auri semel Item decano et capitulo capelle domini ducis Burgundie in Diuione causa predicta quatuor francos auri cugni et ponderis predictorum semel do et lego Item volo precipio et ordino luminare meum fieri et poni circa feretrum meum prima die obitus mei vsque ad quantitatem viginti quinque librarum cere Item pro vna capellania trium missarum pro qualibet ebdomada fundenda et ordinanda pro remedio anime mee parentum et antecessorum meorum ad respectum et ordinationem executorum meorum infrascriptorum do lego et dimicto summam ducentorum francorum auri ponderis et cugni predictorum Item volo precipio et ordino emi per executores meos inferius nominandos vnum lapidem precio septem francorum auri ponderis et cugni predictorum ad ponendum supra dictam foueam meam Item volo et precipio et ordino quod omnia legata in hoc meo presenti testamento contenta soluantur supra partem in porcionem meam bonorum meorum que parcientur inter executores meos infrascriptos et Perrenetam de Longa Aqua coniugem meam Ita premissis omnibus et singulis totaliter executis completis et executioni debite demandatis si sit aut remaneat aliquid bonorum dicte porcionis mee de residuo volo precipio et ordino illud residuum pauperibus ergari Huius autem mei testamenti seu mee vltime voluntatis executores meos facio dispono instituo et ordino videlicet dominum Demoingnum de Monteforti tullensis diocesis presbiterum Lambertum de sancto Micaele Johannem de Maroilliis clericum Diuione commorantem et predictam Perrenetam coniugem meam Ipsos quatuor insimul seu tres vel duos eorum qui onus premissorum exequendorum in se suscipere voluerunt in quorum executorum meorum trium vel duorum ipsorum manibus ex nunc prout ex tunc et ex tunc prout ex nunc pono et dimicto omnia bona jura mea mobilia et hereditagia quecumque De quibus me totaliter deuestio et dictos executores meos tres vel duos eorum totaliter inuestio de eisdem pro premissis omnibus et singulis exequendis et totaliter adimplendis Dans et concedens dictis executoribus meis tribus uel duobus ipsorum plenariam auctoritatem potestatem et mandatum speciale predicta bona mea realiter et de facto apprehendendi capiendi occupandi et leuandi recipiendi percipiendi possessionemque eorum bonorum meorum intrandi ea seu partem eorum vendendi alienandi et distrahendi auctoritate sua propria sine strepitu clamore uel ostensione alicuius curie pro contentis in hoc meo presenti testamento seu in hac mea vltima voluntate exequendis et plenarie adimplendis litteras venditorias transactorias et quittatorum et aliis dum opus fuerit sub quouis sigillo autentiquo seu non autentiquo dandi et concedendi quicquid vero per dictos executores meos tres vel duos eorum in premissis actum gestum executum fuerit ex nunc prout ex tunc et ex tunc prout ex nunc volo laudo ratiffico penitus et approbo et volo quod obtineat roboris firmitatem Quibus executoribus meis tribus uel duobus eorum in premissis vacantibus do et lego pro pena et labore ipsorum sex francos cugni et ponderis predictorum Si vero in meo testamento presenti seu in hac mea vltima voluntate esset seu oriretur aliquod dubium uel obscurum volo et ordino quod dicti executores mei tres vel duo eorum possint illud dubium uel obscurum mutare diffalere seu eciam interpretari Item volo et ordino quod nullus heredum meorum de bonis meis mobilibus et immobilibus quoquomodo gaudeat uel vtatur seu possessionem eorum intret uel apprehendat donec meum presens testamentum seu mea vltima voluntas per dictos executores meos tres uel duos eorum integraliter et perfecte exequatur non obstante quod cauterium in iudicio uel extra offerent seu offerret de premissis exequendis ad quod heredes meos volo nullatenus admicti quocunque jure seu quacunque consuetudine in contrarium introductis non obstantibus si vero aliquis heredum meorum contra hoc presens meum testamentum seu hanc vltiman voluntatem meam venire presumpserit quod absit volo et ordino quod ab omni successione mea totaliter priuetur hoc igitur meum presens testamentum seu hanc vltimam meam voluntatem volo valere jure testamenti non scripti uel jure testamenti nuncupatiui aut jure codicillorum seu jure donationis facte inter viuos aut jure vltime voluntatis Et si non valeat secundum leges volo quod valeat secundum pias et canonicas sanctiones et si non valeat jure aliquo volo quod valeat eo jure et modo quibus melius valere poterit et debebit tam de jure quam consuetudine omni legum subtilitate et rigore juris super hoc abietis penitus et remotis Et ad premissorum obseruanciam volo meos heredes et bona mea compelli quasi ex re adiudicata per curiam domini ducis Burgundie cuius juridiccioni quo ad hoc suppono meos heredes et omnia bona mea In quorum testimonium litteris istis seu huic presenti testamento meo sigillum dicte curie rogaui et obtinui Actum in presencia Guillelmi Reymondi de Broichone clerici coadiutoris Clemencii Moret de Beligneyo notarii Roure pro domino duce et in presencia domini Johannis Quarrey de Fauerneyo presbiteri Johanneti de Flureyo custurarii Stephaneti Rouhier clerici et Odeti de Selongeyo Diuione commorantis testium ad hoc vocatorum specialiter et rogatorum die vicesima quarta mensis Julii anno domini MCCCLXXVIII