Charter Document - 05350008

In nomine Domini amen Anno incarnationis eiusdem millesimo trecentesimo quadragesimo primo sexta die mensis augusti Nos Iohannes Aubrieti archidiaconus Dyuionis in ecclesia ligonense Notum facimus uniuersis firmiter afferendo quod religiosi uiri abbas et conuentus monasterii sancti Stephani Dyuionis nomine dicti sui monasterii ac nomine ecclesie beate Marie uirginis de dicto Dyuione et domus hospitalis dicte ecclesie ad dictum monasterium pertinent habent et habere ac percipere consueuerunt ab antiquo quolibet anno super domum meam de Dyuione que gallice nominatur li Uoute des Cheanges quadraginta solidos ad monetam Dyuionis censuales et quod dicta domus dictis religiosis in dictis quadraginta solidis dicte monete censualibus extitit obligata Et quia dicti religiosi pro se et suis successoribus nos et nostros heredes ac dictam domum tenentes ac etiam dictam domum quictauerunt et perpetuo liberauerunt a dictis quadraginta solidis monete predicte censualibus et a solutione eorumdem Hos ob eandem causam ac titulo permutationis faciende eisdem religiosis nomine dicti sui monasterii ac dicte ecclesie beate Marie uirginis et dicte domus hospitalis tradimus deliberamus et imperpetuum quictamus pro nobis et nostris heredibus quinquaginta solidatas terre ad monetam Dyuionis bonorum ac legalium de ualore illorum dyuionensium quarumquasque ualent quatuor turonenses annui et perpetui redditus quas nos et Guillemus Aubrieti quondam frater noster acquisiuimus ab Odeto Boilleaut de Dyuione carnifice et a Nichola eius uxore et sunt soluende quolibet anno ad festum natiuitatis Domini sub pena duodecim denariorum monete predicte et assignate sunt super duas domos contentas in litteris super dicto acquestu confectis sigillo curie domini ducis Burgundie sigillatis quas penes nos habemus et quarum litterarum tenor sequitur in hec verba [] Quare de dictis quinquaginta solidatis terre monete predicte nos et nostros heredes deuestimus et dictos religiosos pro se et successoribus suis corporaliter inuestimus de eisdem Transferentes in eosdem religiosos omnes actiones utiles et directas nobis competentes in eisdem et in dicta pena ac in dictis duabus omnibus et erga dictos Odetum et Nicolam et eorum heredes racione eorumdem Promictentes pro nobis et nostris heredibus per iuramentum nostrum super sanctas Dei euangelias corporaliter datum et sub obligatione omnium bonorum nostrorum dictas quinquaginta solidatas terre ad dictam monetam dictis religiosis nobis ut dictam est traditas eisdem religiosis et suis successoribus contra omnes perpetuo garantire et in nos lictis onus suscipere causamque deffendere nostris propriis sumptibus et expensis si qui calumpnia quod absit appareret quanto quociens et quacumque parte litteris super hoc fuimus requisiti nec non facere et prestare quicquid in causa euictionis debet fieri et prestari Et si necesse fuit tenemur ex pacto et promictimus sub iuramentum et obligationem predictis admortizare facere dictis quinquaginta solidatas terre a domino duce Burgundie erga dictum dominum ducem admortizationem procurare nostris sumptibus et expensis Et ad premissorum obseruantiam uolumus nos compelli [] Cuius iuridictioni quo ad hoc supponimus nos et nostros heredes In quorum testimonium [] Actum in presentia Hugonis Poisseneti de Dyuione clerici notarii dicti loci pro dicto domino duce Burgundie domini Bertrandi curati de Cancellis presbyteri et Hugonis le rebillet de Mirabello clerici testium ad hoc uocatorum et rogatorum anno die et mense predictis