Charter Document - 05321046

Uniuersis presentes litteras inspecturis nos frater Hugo abbas monasterii Sancti Stephani Dyuionensis Lingonensis diocesis ordinis Sancti Augustini totiusque eiusdem loci conuentus notum facimus quod nos humaniter et concorditer fratrem Poincardum priorem prioratus nostri de Mirabello et dominum Ansericum rectorem ecclesie de Buxeroliis prefate diocesis facimus constituimus ac etiam ordinamus procuratores nostros generales ac etiam speciales et quemlibet eorum in solidum ita quod non sit melior condictio occupantis in omnibus et singulis causis nostris motis et mouendis in Romana curia et alibi et specialiter in causa que uertitur et uerti sperature in Romana curia predicta inter nos ex una parte et canonicos capelle domini ducis Burgundie ex altera tam pro nobis quam contra nos agendo et defendendo et quascumque personas ecclesiasticas uel seculares coram quibuscumque iudicibus delegatis subdelegatis conseruatoribus auditoribus ordinariis et aliis quibuscumque quorumque nomine constanter Dantes predictis procuratoribus nostris et cuilibet eorum in solidum coniunctim uel diuisim plenam et liberam potestatem et specialem mandatum agendi pro nobis nosque deffendendi opponendi seu condicendi proponendi excipiendi replicandi duplicandi litem seu lites contestandi iurandi in animas nostras de calumpnias seu de ueritate dicenda tam super principali quam super accessorio et expensis dictas expensas petendi et recipiendi si quidem nobis adiudicate fuerint et prestandi cuiuslibet alterius generis sacramentum quod in causis exigitur ponendi positionibus partes aduerse respondendi testes et instrumenta producendi in testes et dicta testium partis alterius dicendi interlocutorias et definitiuas sentencias audiendi in integrum restitutionem petendi appellandi opponere suam persequendi beneficium absolutionum nostrarum impetrandi si necesse fuerit alium procuratorem loco sui substituendi unum seu plures substitutum uel substitutos ab ipsis uel ab altero ipsorum reuocandi presenti procuratio nichilominus in suo robore duraturo impetrandi et condicendi omnes litteras tam simplices quam legendas graciam seu iustitiam continentes in iudices et loca conueniendi et eos recusandi et omnia alia et singula faciendi que nos faceremus si presentes essemus et a nobis fieri peterentur Ratum et gratum fieri plenius quicquid per dictos procuratores uiros uel per alterum ipsorum seu per substitutum uel substitutos a prefatis procuratoribus uel ab eorumdem altera factum fuerit seu etiam procuratum Promittentes sub ypotheca rerum nostrarum et monasterii nostri predicti ad opus omnium quorum interest uel interit si necesse fuerit iudicatum solui Et hoc omnibus quorum interest uel intererit tenore presentium intimamus