Charter Document - 05320046

In nomine Domini amen Anno natiuitatis eiusdem trecentesimo sexto indictione quarto pontificatus sanctissimi patris et domini domini Clementis pape quinti anno primo die Iouis XIV mensis aprilis In presencia mei Petri Angeli de Amelia notarii publici infrascripti et discretorum uirorum Isarni de Monte Acuto et Petro de Rupella in Romana curia procuratorum Didaci Alfonsi canonici Lanietensis Iohannis de Lamis presbiteri et Iohannis Mathei de Urbe domini pape hostiarii et plurium aliorum testium ad hoc specialiter uocatorum et rogatorum discretus uir dominus Ansericus et rector ecclesie de Buxeroliis Lingonensis diocesis dicens se procuratorem religiosi et honesti uiri fratris Hugonis abbatis monasterii Sancti Stephani Diuionensis Lingonensis diocesis ordinis Sancti Augustini totiusque conuentus eiusdem loci procuratorio nomine pro eis constitutus apud uillam Subterranee Lemouicensis diocesis ante hostium palatii in quo idem summus pontifex morabatur et hospitatus fuerat in presencia discreti uiris Corteneche de Pisis eiusdem domini pape hostiarii qui tunc ipsum hostium custodiebat per quod communiter ad ipsum dominum papam intrabatur et accedebatur paratus ad ipsum dominum papam accedere et ante ipsius presenciam se personaliter presentare et ad infrascripta omnia et singula solempniter per agenda cum effectu qui ad faciendum fidem sue procurationis exhibuit michi Petro notario publico infrascripto quandam litteram sigillatam cum duobus sigillis pendentibus de cera uiridi Quorum unum apparebat sigillum domini fratris Hugonis abbatis in quo erat sculpta quedam ymagio cuiusdam abbatis induti pontificalia tenentis in manu dextra baculum pastoralem et in manu sinistra librum ante pectus et a dextris erat quoddam sydus et a sinistris quoddam lilium In cuius sigilli circonferencia hec littere legebantur I Sigillum Hugonis abbatis monasterii Sancti Stephani Diuionensis Secundum apparebat sigillum dicti conuentus in quo erat sculpta quedam ymagio cuiusdam hominis genuflexi cum manibus iunctis post cuius terga erat sculptum quoddam sydus In cuius sigilli circunferentia hec littere legebantur Sigillum Sancti Stephani Diuionensis Cuius tenor de uerbo ad uerbum inferius describitur Eisdem anno mense indictione et pontificatu predictis die Ueneris XV dicti mensis aprilis ante terciam in presencia mei Petri Angeli de Amelia notarii publici infrascripti et discretorum domini Alberti de Poleugneyo presbiteri Lingonensis diocesis Petri dicti Maldeneri de Castro Ponzie Lemouicensis diocesis Pacheti dicti Dupich eiusdem diocesis et Iohannis quondam Martini Gibon de Creceyo Bitturicensis diocesis et plurium aliorum testium ad hoc specialiter uocatorum et rogatorum prefatus discretus uir dominus Ansericus rector ecclesie de Buxeroliis Lingonensis diocesis procurator eiusdem religiosi uiri fratris Hugonis abbatis prelibati monasterii Sancti Stephani Dyuionensis Lingonensis diocesis ordinis Sancti Augustini totiusque conuentus eiusdem monasterii procuratorio nomine pro eis constitutus apud uillam Subterranee Lemouicensis diocesis ante terciam ante hostium palatii in quo summus pontifex morabatur et hospitatus fuerat paratus cum effectu prout dies desiderebat et fuerat assignata intrare prefatum hostium et ante presenciam eiusdem summi pontificis accedere et se conspectui apostolico procuratorio nomine quo supra representare processurus cum effectu super causis controuersiis dissensionibus et querelis quas iidem abbas et conuentus habent ad presens cum decano et capitulo capelle ducis de Dyuione dicte diocesis super iure parrochiali et specialiter super causa seu lite que inter dictas partes in Romana curia mota fuit ac etiam uentilatur Quam tam de iure fuit procedendum primum statum in quo erat dicta causa uel esse poterat aut debebat in termino dictis partibus prefixo super hoc a uenerabilibus uiris domino Oddone cantore ecclesie Cabilonensis et a magistro Bartholomeo de Bosco canonico eiusdem ecclesie ut de hiis omnibus et singulis et aliis apparebat publicum instrumentum scriptum manu magistri Guidonis de Uergeyo Eduensis diocesis sacrosancte Romane ecclesie publici notarii sigillatum tribus sigillis pendentibus de cera uiridi eorumdem abbatis et conuentus et prefati capituli a me notario infrascripto uisum et lectum quod sic incipit In nomine Domini amen Anno incarnationis eiusdem [] et sic terminatur presenti publico instrumento Quiquidem dictus Ansericus procurator procuratorio nomine quo supra instanter ac suppliciter requisiuit Cortonum eiusdem domini pape hostiarum qui tunc ipsum hostium custodiebat per quod communiter ad ipsum dominum papam intrabatur et accedebatur quod ipsum prefatum hostium intrare permitteret ut deinde posset accedere ante presenciam eiusdem summi pontificis et se conspectui ipsius personaliter presentare cum omnibus litteris actis iuribus et monumentis dictam causam contengentibus quas et que tunc in manu sua tenebat a me notario infrascripto uisa Cui idem Cortonus hostiarius respondit dicens quod non erat tempus intrandi ad ipsum dominum papam cumque prefatum hostium intrare non permisit eidem aditum inhibendo Et tunc prefatus dominus Ansericus procurator procuratorio nomine quo supra illico dixit et protestatus fuit quod sibi et prefatis abbati et couentui quorum procurator est non currant tempora dicte prefixionis et assignationis termini ac dicte cause prosequende cum per cum non stet quominus prefatum hostium intret et ante presenciam eiusdem summi pontificis accedat et se eiusdem conspectui representet processurus in dicta causa cum omnibus litteris actis iuribus et monumentis dictam causam contengentibus quum tum de iure fuerit prout dies desiderat et fuerat assignata et quod quam sito poterit et facultatem habuerit cum effectu se conspectui apostolico presentabit processurus in dicta causa quantum de iure fuerit Et post hoc post modicum interuallum cum statim Iohannes monachus Sancti Michaeli de Tornodoro diceret se procuratorem dictorum decani et capituli et uellet se presentare conspectui eiusdem domini pape dixit quod non erat sufficiens procuratorio potestas de iure dictorum abbatis et conuentus contra prefatos decanum et capitulum in persona dicti fratris Iohannis Tenor autem dicte procurationis de qua supra sit mentio de uerbo ad uerbum talis est [] In cuius rei testimonium sigilla nostra presentibus litteris duximus apponenda Actum et datum in capitulo nostro die Sabbati ante festum Beati Clementis anno Domini millesimo CCC quinto Datum et actum in uilla Subterranee Lemouicensis diocesis presentibus superscriptis testibus et aliis ac magistro Iohanne de Baya notario publico et Lupo eiusdem domini pape hostiario et Petro de Rupella in Romana curia procuratore et pluribus aliis testibus ad predictam specialiter uocatis et rogatis Et ego Petrus Angeli de Amelia sacrosancte Romane ecclesie et Alme urbis prefecti auctoritate notarius publicus predictis omnibus et singulis una cum prenominatis testibus interfui Et ut supra legitur partibus docti domini Anserici procuratoris scripsi et publicaui in eoque consueto signo signaui rogatus in testimonium premissorum sub anno mense diebus indictione et pontificatu predictis