Charter Document - 05321025

Uniuersis presentes litteras inspecturis nos frater Hugo abbas monasterii Sancti Stephani Diuionensis Lingonensis diocesis ordinis Sancti Augustini totusque eiusdem loci conuentus notum facimus quod nos constituimus facimus et ordinamus procuratores nostros speciales fratrem Hugonem de Marcennayo concanonicum nostrum et Ansericum rectorem ecclesie Sancti Iohannis Pontiscissi et eorum quemlibet insolidum ita quod non sit melior conditio occupantis in omnibus et singulis causis controuersiis dissentionibus et querelis quas habuimus habemus et habere intendimus contra uenerabiles uiros et discretos decanum et capitulum capelle domini ducis Burgundie Diuionensis Dantes eisdem procuratoribus nostris et cuilibet eorum insolidum plenariam et liberam potestatem ac mandatum speciale agendi pro nobis nosque deffendendi litem seu lites constestandi proponendi respondendi excipiendi replicandi duplicandi triplicandi componendi compromittendi transigendi pasciscendi compromissum pena uallandi fideiubendi testes documenta et instrumenta producendi dicendi tam in testes quam indicta testium interlocutorias et diffinitiuas sentencias audiendi iurandi in animas nostras de calumpnia et de ueritate dicendi in causis premissis contra dictos decanum et capitulum dicte capelle motis uel mouendis appelandi appelationem prosequendi beneficium absolutionis nostre si necesse fuerit impetrandi et omnia alia et singula faciendi que nos faceremus et facere possemus in premissis uel de premissis si presentes essemus Ratum et gratum plenius habentes et habituri quicquid per dictos procuratores nostros aut per quemlibet eorum factum fuerit seu etiam procuratum promittentes bona fide et sub ypotheca rerum monasterii nostri predicti si necesse fuerit iudicatum solui cum suis clausulis et hoc omnibus quorum interest uel interesse poterit tenore presencium intimamus In quorum omnium testimonium sigilla nostra presenti procuratorio duximus apponenda Datum et actum die Martis post Annunciationem Beate Marie Uirginis anno Domini millesimo trecentesimo primo Item nos Odo decanus capelle domini ducis Burgondie Diuionensis eiusdemque capelle capitulum notum facimus uniuersis presentem paginam inspecturis et audituris quod nos facimus constituimus et ordinamus procuratores nostros speciales dominum Petrum de Salone concanonicum nostrum dominum Hugonem de Gencigneyo presbiterum et magistrum Girardum de Selungeyo clericum et eorum quemlibet insolidum ita quod non sit melior conditio occupantis in omnibus et singulis causis controuersiis dissensionibus et querelis quas habuimus habemus et habere intendimus contra uiros religiosos abbatem et conuentum Sancti Stephani Diuionensis Dantes eisdem procuratoribus nostris et cuilibet eorum insolidum plenariam et liberam potestatem ac mandatum speciale agendi pro nobis nosque deffendendi litem seu lites contestendi proponendi respondendi excipiendi replicandi duplicandi triplicandi componendi transigendi compromittendi compromissum pena uallandi fideiubendi testes documenta et instrumenta producendi dicendi tam in testes quam in dicta testium interlocutorias et diffinitiuas sentencias audiendi iurandi in animas nostras de calumpnia et de ueritate dicenda in causis premissis contra religiosos predictos motis uel mouendis appelandi appelationem prosequendi beneficium absolutionis nostre si necesse fuerit impetrandi et omnia et singula alia faciendi que nos faceremus et facere possemus in premissis uel de premissis si presentes essemus Ratum et gratum plenius habentes et habituri quicquid per dictos procuratores aut per quemlibet eorum factum fuerit seu etiam procuratum Promittentes bona fide et sub ypotheca rerum predicte capelle nostre si necesse fuerit iudicatum solui cum suis clausulis Et hoc omnibus quorum interest uel interesse poterit tenore presentium intimamus In quorum omnium testimonium sigilla nostra presenti procuratorio duximus apponenda Datum et actum die Mercurii post Purificationem Beate Marie Uirginis anno Domini millesimo trecentesimo primo Supradicti procuratores quilibet eorum uidelicet nomine procuratorio dictorum dominorum suorum et pro ipsis uirtute mandati specialis eorumdem et potestate sibi concessa ab eis prout in predictis litteris procuratoriis plenius continetur super omnibus querelis controuersiis discordiis questionibus et actionibus exortis et habitis a tempore retroacto usque ad diem confectionis presentis publici instrumenti specialiter super causa seu lite que inter predictos dominos suos uidelicet abbatem et conuentum Sancti Stephani predicti ex una parte et decanum et capitulum predicte capelle ex altera in Romana curia uentilatur compromiserunt concorditer in uirum uenerabilem et discretum dominum Odonem decanum de Besua decanum predicte capelle tanquam in arbitrum et amicabilem compositorem seu arbitratorem Dantes et concedentes nomine quo supra eisdem decano potestatem cognoscendi super predictis et quolibet premissorum inter partes predictas et quod super prefatis discordiis et questionibus prout superius sunt expresse dictas partes possit ad pacem et concordiam inducere per uiam pacis seu amicabilis compositionis de consensu dictarum partium procedentis infra festum Penthecostem proximo futurum Si uero dictus decanus infra predictum tempus dictas partes per dictam uiam pacis seu amicabilis compositionis ut dictum est non possit ad concordiam reuocare quod absit infra terminum prenotatum supra dicti procuratores nomine quo supra uoluerunt concorditer et consenserunt expresse quod elapso dicto termino dictus decanus tanquam arbiter et amicabilis compositor habeat potestatem duraturam usque ad subsequens festum Assumptionis Beate Marie Uirginis proximo uenturum cognoscendi inter partes predictas super predictis discordiis actionibus et querelis et precipue de omnibus articulis et appelationibus super quibus inter dictas partes in Romana curia litigatur et de omnibus aliis quibuscumque ita uidelicet ita uidelicet quod prefatus decanus in se onus dicti compromissi suspiciens ante omnia iurabit tactis ab eo sacrosanctis Dei euangeliis in presencia corporis Christi quod omni gracia seu fauore odio uel amore et affectione sublatis Ipse decanus articulis quos inueniet claros et liquidos in litibus seu causis partium predictarum contentos quancicius commodi poterit infra dictum festum Assumptionis predicte diffiniens terminabit Super articulis autem dubiis uel obscuris eidem decano prout dubietas uel obscuritas iuris sibi occurent deliberabit cum iurisperitis fideliter et studiose diligenciam adhibendo Et si dubietas uel obscuritas facti super premissis uel aliquo premissorum emerserit deliberabit in hac parte cum partibus antedictis et aliis personis fide dignis per quas poterit commodius informari que partes ex pacto tenebuntur exhibere et administrare omnia acta munimenta instrumenta et probationis predicto decano per que dictus decanus possit melius instrui et que facienti ad institutionem cause predicte Sane postquam ipse decanus super premissis deliberationem habuerit pleniorem et instructus et informatus fuerit super dubietatibus et obscuratibus iuris et facti ueritatem super hiis comperuerit et inquisierit diligenter memoratus decanus auditis et intellectis hinc et inde propositis et consideratis omnibus hiis que possunt et debent monere animum iudicantis dictas discordias causas querelas et controuersias prout sibi secundum Deum et iusticiam expedire uidebitur infra dictum terminum festi Assumptionis predicte per diffinitiuam sentenciabit prout melius de iure uidebitur expedire diebus feriatis et non feriatis sedendo uel stando omni hora omni loco partibus presentibus coram ipso uel procurationibus earumdem uel altera dictarum partium seu procuratore eius per contumaciam absente Tenebuntur siquidem dicte partes per se uel per procuratores ydoneos comparere coram dicto decano quociens et quando idem decanus ipsas partes uel procuratores earum coram se propter hoc duxerit euocandas seu etiam euocandos et procedere coram eo super predictis et quolibet predictorum Consentientes expresse procuratores predicti nomine quo supra quod ipse decanus dictum arbitrium seu compromissum in se suscipiens possit examinare cognoscere terminare et ordinare de premissis et quolibet premissorum modo et forma quibus supra prout sibi melius uidebitur faciendum et quod possit sentenciam suam seu sentencias semel uel pluries interpretari et corrigere si opus fuerit ac etiam quicquid dubium uel obscurum fuerit in dicto compromisso et ut possit pronunciare in scriptis et sine scriptis Promittentes adinuicem dicti procuratores nomine quo supra bona fide quod predicti domini sui omnes predictas conuentiones et pacta prout superius sunt expressa seruabunt tenebunt et complebunt uerbo et facto cuius contrarium si contigerit inueniri dicti procuratores nomine quo supra obligauerunt et obligant eos ad penam mille florenorum de auro confitentes nomine quo supra predictos dominos suos esse predicte pene obnoxios ac etiam obligatos si a diffinitione et terminatione seu pronunciatione predicti decani super predictis articulis in parte uel in toto resilire contingat super qua pena commissa predicti procuratores nomine quo supra profitentur et asserunt dictos dominos suos per curiam cuiuscumque iudiciis tanquam ex re iudicata posse compelli omni exceptione cessante Si uero dicta pena commitatur ab aliqua partium predictarum resiliente in toto uel in parte semel uel pluries a diffinitione terminatione seu pronunciatione dicti decani dicte pene medietas applicabitur domino pape et alia medietas parti parenti Et non obstante commissione dicte pene nichilominus durabit potestas dicti decani usque ad festum Assumptionis predicte Ita quod poterit super aliis articulis cognoscere ac etiam diffinire Quam penam quilibet de procuratoribus antedictis stipulatus fuit solempniter adinuicem nomine quo supra alter ab altero reddi et solui uidelicet dicto domino pape et aliam medietatem parti parenti in casu commissionis dicte pene Obligantes dicti procuratores nomine quo supra quo ad hoc alter eorum alteri uidelicet dominos suos predictos et eorum bona mobilia et immobilia ecclesiastica et mundana de qua etiam pena si eam in aliquo casu contigerit comitti discreti uiri dominus Aymo de Auxona canonicus dicte capelle ad requisitionem procuratoris dictorum decani et capituli et pro ipsis et Humbertus de Braiseyo Burgensis Diuionensis ad requisitionem procuratoris abbatis et conuentus predictorum et pro ipsis se fideiussores constituerunt et obligauerunt sollempni stipulatione super hoc interueniente ad inuicem inter dictos procuratores nomine quo supra et fideiussores predictos Promittentes dicti fideiussores et eorum quilibet per iuramenta sua super hoc ad sancta Dei euangelia prestita et per stipulationem solepnem prehabitam ac etiam sub obligatione omnium bonorum suorum mobilium et immobilium presentium et futurorum se in casu commissionis dicte pene soluere dictam penam parti parenti que eam recipiet ad opus dicti domini pape pro dimidia parte et ad opus ipsius partis pro alia dimidia parte elapso predicto termino aut extunc tradere et deliberare dicte parti parenti uadia competencia ductibilia uel portabilia de quibus haberi poterit integraliter dicta pena Renunciantes dicti fideiussores et eorum quilibet omni priuilegio exemptionis et fori et omnibus aliis exceptionibus iuris et facti que possent ab eis uel altero eorum in hac parte obici uel apponi iterum si idem decanus durante dicta potestate predictas discordias controuersias et querelas et articulos hinc inde super hoc propositos non diffinierit seu terminauerit aut pronunciauerit super ipsis causa ipsa mota inter partes predictas in Romana curia in statu in quo est et esse potest et debet ac esse poterit et debebit quodcumque modo in prefata curia remanebit dicto compromisso aliquatenus et lapsu temporis non obstante Saluis semper in omnibus et per omnia et in suo robore duraturis illis omnibus et singulis articulis super quibus idem decanus in toto uel in parte diffinierit terminauerit seu pronunciauerit ut superius est expressum a quibus non resultum fuerit ab altera partium predictarum infra octo dies post diffinitionem terminationem seu pronunciationem ab eodem decano factas et insuper actum est et concordatum inter procuratores predictos nomine quo supra quod partes predicte tenebuntur et sub pena predicta se per se uel procuratores ydoneos representare apostolico conspectui ad diem octauam seu die octaua mensis octobris proximo uenturi processure in causa predicta secundum quod status dicte cause requirit uel requiret prout de iure fuerit procedendum quem terminum predicti procuratores concorditer recollegerunt et sibi nomine quo supra adinuicem prefixerunt Si uero idem decanus de consensu dictarum partium amicabiliter inter eas composuerit uel sine consensu earumdem partium inter ipsas diffinierit dum tamen altera dictarum partium ab eius sentencia non resilierit concordatum est inter procuratores predictos nomine quo supra quod eiusdem decani amicabilis compositio seu sentencia quam protulerit super predictis ad communes sumptus partium predictarum deferatur ad Romanam curiam per procuratorem seu procuratores communem uel communes infra certum terminum per eumdem decanum ipsis partibus prefigendum ut super predictis confirmatio et certus conseruator impetrentur quem conseruatorem idem decanus communiter eligere et nominare tenebitur sub uirtute prestiti iuramenti prout sibi uisum fuerit ad pacem partium utilius expedire Promittentes predicti procuratores nomine quo supra quod predicti domini eorum predicta adimplebunt prout superius sunt expressa et dictos fideiussores indemnes penitus obseruabunt Actum in ecclesia Sancti Stephani predicti anno indictione pontificatu die et mense predictis presentibus discretis uiris dominis Luca de Besua curato de Orgeolo Dominico de Monteto presbitero Iohanne dicto Teste curato de Fontanis prope Diuionem Anserico de Laniis curato Sancti Iohannis Pontis Scissi Iohanne dicto Persone de Tile castro presbiteris et Iohanne de Reneues clerico Lingonensis diocesis et multis aliis testibus ad premissa rogatis et uocatis