Charter Document - 05261101

Nos vero Sibilla Humbertus et Joanna uxor ipsius Umberti filia eiusdem Sibille non vi neque metu non dolo neque fraude inducti ab aliquo nec etiam circonuenti scilicet spontane voluntate et ex certa scientia pro nobis et pro nostris heredibus presentibus et futuris quittauimus et querpiuimus cessimus et concessimus pro taxatis abbati et conuentui et suis successoribus in perpetuum dictam medietatem furni et ius apponendi furnerium quod nos Humbertus et Sibilla habebamus in dicto furno et quidquid iuris actionis seu dominii nos Sibilla et Humbertus et Joanna habebamus et habere poteramus in dicto furno et aliis duobus furnis supradictis et prouentibus et pertinentiis suis qualibet ratione deuestientes nos vel quasi de omnibus supradictis et dictos abbatem et conuentum inuestimus vel quasi plenarie de eisdem iurauimus etiam super sancta Dei Euangelia dictam quittationem guirpitionem cessionem concessionem et inuestituram pro nobis et nostris heredibus nos in perpetuum inuiolabiliter seruaturos et contra per nos vel per alium facto vel verbo in iuditio vel extra de volenti contraire et quod nihil reclamabimus vel reclamari faciemus supra predictis in toto vel in parte de cetero aliqua ratione conuentum siquidem expresse in ipsa concordia inter partes quod nos Sibilla Humbertus et Joanna vel heredes nostri non possumus de cetero alios furnos edificare in dicta parochia ullo modo dictam etiam medietatem furni siti in rua ante ecclesiam dicti sancti Nicolai promisimus nos in perpetuum garantire legitime bona nostra mobilia et immobilia quecumque apud Diuionem habemus pro predicta garantia portanda specialiter et generaliter ipsis abbati et conuentui obligantes volumus et concessimus quod heredes nostri ad garantiam predictam portandam teneantur dicti vero abbas et conuentus pro quittatione guerpitione cessione concessione et inuestitura de predictis sibi facta a nobis in recompensationem et per mutationem predictorum et pro bono pacis pro se et suis successoribus promiserunt nobis Sibilla et Humberto bona fide per expresse factam stipulationem sollemnem se daturos et soluturos apud Diuionem annuatim a prima dominica quadragesime mihi Sibille quandiu vixero et mihi Humberto predicto et meis heredibus in perpetuum post mortem dicte Sibille viginti quinque libras diuionensis monete nunc currentis vel si eadem moneta diuionensis melioraretur vel peior aretur sex decim libras et tresdecim solidos et quatuor denarios viennensis monete nunc currentis vel valorem in pecunia numerata dictam vero summam pecunie annuatim soluendam ut supradictum est Dicti abbas et conuentus specialiter assederunt et assignauerunt nobis Sibille et Humberto et heredibus mei Humberti in perpetuum super omne ius quod ipsi abbas et conuentus habent et habere debent et possunt in ventis diuionensibus promittentes nobis Sibille et Humberto et heredibus mei Humberti bona fide per expressam stipulationem solemnem quod ipsi infra octo dies postquam instituerint ventarium suum ad recipiendum partem suam dictarum ventarum diuionensium facient et efficient eumdem ventarium promittere mihi Sibille quandiu vixero et mihi Humberto ac meis heredibus in perpetuum post obitum dicte Sibille per iuramentum ab ipso ventario corporaliter prestitum quandiu eas ventas recipiet dictam summam pecunie reddet mihi Sibille quandiu vixero et mihi Umberto et meis heredibus post mortem ipsius Sibille apud Diuionem annuatim termino supradicto dilatione et contradictione aliqua non obstante Si vero ventarius quicumque institutus ad recipiendum partem dictorum abbatis et conuentus dictarum ventarum diuionensium predicto termino dictam summam pecunie ut supradictum est non solueret mihi Sibille quandiu vixero et mihi Humberto vel meis heredibus post obitum ipsius Sibille dicti abbas et conuentus elapsis octo diebus postquam dictus abbas siue prior eiusdem loci fuerit requisitus super qua requisitione facta dicti abbas et conuentus ipsius requisitoris soli iuramento credere tenebuntur et dederunt et concesserunt nobis Sibille et Humberto et heredibus mei Humberti in perpetuum generalem plenam et liberam potestatem nullo iudice ecclesiastico vel seculari super hoc requisito in omnibus bonis suis ubicumque et quecumque sint presentibus et futuris ubicumque voluerimus auctoritate propria per nos vel per alium vadiendi seu pignora capiendi pro dicta pecunia ut supradictum est non soluta Promiserunt etiam dicti abbas et conuentus quod propter huiusmodi vadiationem seu pignoris captionem non conquerentur aliquatenus coram aliquo iudice ecclesiastico vel seculari nec dicent se propter hoc sustinuisse aliquam iniuriam vel grauamen hec omnia supradicta et singula dicti abbas et conuentus pro se et suis successoribus promiserunt nobis Sibille et Humberto et heredibus mei Humberti bona fide et per expressam stipulationem solemnem attendere adimplere et contra per se vel per alium facto vel uerbo in iuditio vel extra ullo tempore non venire asserentes et confitentes quod propter huiusmodi pacem et concordiam melior effecta est ut credunt et non deterior conditio sue ecclesie supradicte hanc autem pacem et concordiam prout supra est expressum dicte partes acceptauerunt et gratam et firmam habuerunt promittentes sub religione prestiti iuramenti per se vel per alium in toto vel in parte de cetero aliquatenus non venire renunciauerunt etiam dicti abbas et conuentus et nos similiter Sibilla Humbertus et Joanna renunciamus in hoc facto ex certa scientia sub vinculo prestiti iuramenti omnibus actis super dicta controuersia in iuditio factis penitus et expresse et exceptioni et actioni doli in factum sine causa vel iniusta causa et quod metus causa dotis et ypothece priuilegio restitutionis in integrum beneficio et omnibus constitutionibus factis et faciendis et omnibus priuilegiis et indulgentiis apostolicis impetratis et etiam impetrandis et omni alii auxilio beneficio et iuri canonico et ciuili scripto et consuetudinario permulgato et permulgando quod ipsis abbati et conuentui et eorum successoribus et nobis ac nostris heredibus ad veniendum contra predictam in toto vel in parte posset deinceps competere in aliquo vel prodesse