Charter Document - 05199647
| Charter Number: | 05199647 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1254 - 1261 |
| Date type: | Assigned |
| Resource Link(s): |
Reference Document for this Embedded Document |
Charter:
Alexander episcopus servus servorum Dei dilectis filiis priori et conventui prioratus de Stanes ordinis sancti Augustini Coventrensis diocesis salutem et apostolicam benedictionem Ex serie vestre petitionis accepimus quod prior et conventus prioratus de Kenilworth ordinis sancti Augustini Coventrensis diocesis asserentes prioratum vestrum eis fore subiectum frequenter instituebant ibidem canonicos et etiam inde amovebant pro suarum libito voluntatum propter quod vos sustinebatis in spiritualibus et temporalibus detrimentum et habitantibus in ipso imminebat periculum animarum Unde vos et predicti prior et conventus de Kenilworth super hoc ordinationi venerabilis fratris nostri Coventrensis et Lichfeldensis episcopi locorum ordinarii vos totaliter submisistis qui utriusque prioratus utilitate pensata de consensu partium quandam ordinationem providam et honestam edidit inter ipsas prout in litteris inde confectis ipsius episcopi dictorum prioris et conventus ac vestro sigillis signatis quarum tenorem de verbo ad verbum presentibus inseri fecimus plenius continetur